MOE: მინისტრმა ხათუნა გოგალაძემ მოქალაქეებს ნერგები პირადად დაურიგა

http://moe.gov.ge/index.php?lang_id=G... პრემიერმინისტრის ინიციატივის „მწვანე მომავალი" ფარგლებში დღეს, საქართველოს გარემოსა და ბუნებრივი რესურსების დაცვის მინისტრმა მოსახლეობას ნერგები უფასოდ გადასცა. სხვადასხვა სახეობის ნერგები მოქალაქეებს გარემოსა და ბუნებრივი რესურსების დაცვის მინისტრმა ხათუნა გოგალაძემ პირადად დაურიგა. მოსახლეობა აღნიშნულ ნერგებს საკუთარ ეზოებსა და კორპუსების მიმდებარე ტერიტორიაზე დარგავს. გარემოსა დაბუნებრივი რესურსების დაცვის სამინისტროში სატელეფონო ნომრით - 153 ცხელი ხაზიც მოქმედებს. მასზე დარეკვა და გამწვანების აქციაში „მწვანე მომავალი" ჩართვა ნებისმიერ მსურველს შეუძლია. პრემიერის ინიციატივის ფარგლებში ნერგები მოსახლეობას ყოველ კვირა დღეს დაურიგდება. პროგრამის ფარგლებში - „მწვანე მომავალი" ქვეყნის მასშტაბით 2014 წლის ბოლომდე უნდა დაირგოს და გაიხაროს ნახევარმა მილიონმა ნერგმა. აქცია„მწვანე მომავალი" მიზნად ისახავს მწვანე ნარგავების ფართობების გაზრდას, გარემოსდაცვით საკითხებთან დაკავშირებით საზოგადოების ცნობიერების ამაღლებასა და ჩართულობას. აქცია მნიშვნელოვანია როგორც ეკოლოგიური, ასევე, კულტურულ-რეკრეაციული თვალსაზრისით.