MOE: სტიქიური მოვლენების ატლასი

http://moe.gov.ge/index.php?lang_id=G... სასტუმრო „ქორთიარდ მარიოტში" ბუნებრივი სტიქიური მოვლენების საფრთხეების ბეჭდური და ინტერაქტიული ვებ-ატლასის პრეზენტაცია გაიმართა, რომელსაც გარემოს დაცვის მინისტრი გოგა ხაჩიძე და ჰოლანდიის ელჩის მოადგილე ესწრებოდნენ. ატლასი ნიდერლანდების სამეფოს პროგრამის მხარდაჭერით მიმდინარე პროექტის ფარგლებში შეიქმნა, რომელიც პირველია, როგორც საქართველოსათვის, ასევე კავკასიის რეგიონისათვის. ვებ-ატლასი აღნიშნული მონაცემების დამუშავებისა და ანალიზის საშუალებას იძლევა. მომზადდა განახლებადი მონაცემთა ბაზა, რომელიც შესაძლებელია გამოყენებულ იქნეს კატასტროფების რისკის შემცირების სფეროში ჩართული ყველა დაინტერესებული უწყების მიერ. გარემოს დაცვის სამინისტროს გარემოს ეროვნული სააგენტოს, შინაგან საქმეთა სამინისტროს საგანგებო სიტუაციების მართვის დეპარტამენტის, CENN-ის, ილიას სახელმწიფო უნივერსიტეტის და ITC სპეციალისტების მიერ თანამედროვე მეთოდოლოგიებისა და ტექნოლოგიების გამოყენებით მომზადდა 9 ტიპის ბუნებრივი საფრთხეების რუკები, რომლის საფუძველზეც შეიქმნა „საქართველოში სტიქიური მოვლენების საფრთხეებისა და რისკების ატლასი".