MOE: დარიშხანშემცველი ნარჩენების მართვის პროექტის წარდგენა

http://moe.gov.ge/index.php?lang_id=G... ლენტეხის მუნიციპალიტეტში დარიშხანშემცველი ნარჩენების მართვის პროექტის წარდგენა გაიმართა. ღონისძიება საქართველოს გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა გახსნა. შეხვედრაზე ლენტეხში დარიშხანშემცველი ნარჩენების უსაფრთხოდ განთავსების საკითხებზე იმსჯელეს. საქართველოს გარემოსა და ბუნებრივი რესურსების დაცვის სამინისტროს ინიციატივითა და ევროპის უშიშროებისა და თანამშრომლობის ორგანიზაციის (ეუთო) მხარდაჭერით საერთაშორისო სტანდარტების გათვალისწინებით, ლენტეხის რაიონში დარიშხანშემცველი ნარჩენების უსაფრთხოდ განთავსების პროექტი შემუშავდა. პროექტი ორი სამარხის მშენებლობას შესაბამისი ხარჯთაღრიცხვით და ასევე დაბინძურებული ტერიტორიების რემედიაციის ღონისძიებებს მოიცავს. ლენტეხის მუნიციპალიტეტში არსებული დარიშხანშემცველი მადნის გადამუშავებით წარმოქმნილი ნარჩენების განთავსების ადგილებზე რთული ეკოლოგიური ვითარებაა შექმნილი. 30-იან წლებში სამთო-ქიმიური ქარხნები აშენდა, თუმცა საწარმოებმა 90-იანი წლების დასაწყისიდან ფუნქიონირება შეწყვიტა. ქარხნები დანგრეულია და დარიშხანშემცველი ნარჩენები მიტოვებულია კონტროლის გარეშე. პრობლემის სრულად გადაწყვეტის მიზნით, პროექტით გათვალისწინებული სამუშაოების განხორციელებით დარშხანშემცველი ნარჩენები განთავსდება უსაფრთხოდ და გატარდება რემედიაციის ღონისძიებები დარიშხანით დაბინძურებულ ტერიტორიებზე.