MOE: პრესკონფერენცია ,,დედამიწის საათი 2014'' - ის შესახებ

http://moe.gov.ge/index.php?lang_id=G... საქართველოს გარემოსა და ბუნებრივი რესურსების დაცვის სამინისტროში ,,დედამიწის საათი 2014''- ის შესახებ ერთობლივი პრესკონფერენცია გაიმართა. პრესკონფერენციაში მონაწილეობა საქართველოს გარემოსა და ბუნებრივი რესურსების დაცვის მინისტრმა ხათუნა გოგალაძემ, გაეროს განვითარების პროგრამის მუდმივი წარმომადგენლის მოადგილემ ინიტა პაულოვიჩამ, ,,CENN''-ის აღმასრულებელმა დირექტორმა ნანა ჯანაშიამ და ,,WWF კაუკასუს'' - ის წარმომადგენელმა თამაზ გამყრელიძემ მიიღეს. „დედამიწის საათი" არის გლობალური აქცია, რომელიც მიზნად ისახავს მსოფლიო ლიდერების მიერ სათბურის აირების ემისიების შემცირებისა და ენერგოეფექტურობის თაობაზე აღებული ვალდებულებების შესრულების მხარდაჭერას. აქციის ერთ-ერთი უმთავრესი მიზანი, მოსახლეობის ცნობიერების ამაღლებაა კლიმატის ცვლილებისა და გლობალური დათბობის თემებზე. წელს საქართველო მეექვსედ აღნიშნავს "დედამიწის საათს". მასობრივი კამპანია გააერთიანებს სამოქალაქო საზოგადოებას, ბიზნეს-სექტორს, საერთაშორისო ორგანიზაციებს, სამთავრობო უწყებებს, სტუდენტებსა და მოქალაქეებს. დედამიწის საათს "მსოფლიოს 150-ზე მეტი ქვეყანა და ასობით მილიონი ადამიანი უერთდება.