MOE: ლაგოდეხის ნაკრძალის განვითარებისთვის საგრანტო ხელშეკრულების ხელმოწერა გაიმართა

http://moe.gov.ge/index.php?lang_id=G... საქართველოს გარემოსა და ბუნებრივი რესურსების დაცვის სამინისტროში კავკასიის ბუნების ფონდსა და დაცული ტერიტორიების სააგენტოს შორის ლაგოდეხის დაცული ტერიტორიების ადმინისტრაციისათვის განახლებულ საგრანტო ხელშეკრულებაზე ხელმოწერის ცერემონია გაიმართა. ხელშეკრულებას ხელი გარემოსა და ბუნებრივი რესურსების დაცვის მინისტრმა ხათუნა გოგალაძემ, დაცული ტერიტორიების სააგენტოს თავმჯდომარე რატი ჯაფარიძემ და კავკასიის ბუნების ფონდის (CNF) ხელმძღვანელმა დევიდ მორისონმა მოაწერეს. განახლებული საგრანტო ხელშეკრულების თანახმად, კავკასიის ბუნების ფონდი ვალდებულებას იღებს დაფაროს ყველა ის საოპერაციო ხარჯები, რომელიც გაღებული იქნება ლაგოდეხის დაცული ტერიტორიების განვითარების ხელშეწყობისათვის 2014-2016 წლების განმავლობაში. ღონისძიებები მოიცავს სახელფასო დანამატების გაცემას, ინფრასტრუქტურის მოვლა-შენახვასა და აღდგენსა, მიმდინარე საოპერაციო ხარჯების თანადაფინანსებას, აღჭურვილობისა და ავტოპარკის განახლებას. კავკასიის ბუნების ფონდი წლების მანძილზე თანამშრომლობს დაცული ტერიტორიების სააგენტოსთან და დიდი წვლილი შეაქვს დაცული ტერიტორიების მართვის გაუმჯობესებაში თანამშრომლების მოტივაციის ამაღლებისა და ადმინისტრაციებისათვის ძირითადი საოპერაციო ხარჯების დაფინანსებით.