#12. ყაყაჩოები - #12. Land of Poppies (პროექტი "საქართველო ჩვენს გარშემო")

#ყაყაჩო, #poppy ვიდეობლოგი #12, საავტორო პროექტი "საქართველო ჩვენს გარშემო". ესეც ჩვენი ახალი ვიდეორგოლი, სახელწოდებით „ყაყაჩოების ქვეყანა“ - გადაღებულია სოფელ წიწკანაანთსერში (ყვარლის მუნიციპალიტეტი, კახეთი). უამრავი რამის თქმა შეიძლება ამ კალმით ნახატი გარემოს შესახებ, თუმცა თავად ნამუშევარი წარმოდგენილი ვიდეომასალით იმდენად მრავლისმეტყველია, რომ მას არც აღწერა და არც პრეზენტაცია დიდად არც სჭირდება. ამ სილამაზეში ყველამ საკუთარი თავი და საკუთარი სიხარული უნდა იპოვოს. მადლობა მინდა გადავუხადო იმ ადამიანებს, ვინც ეს მინდვრები გააშენა და ჩვენ ყველას მოგვცა შესაძლებლობა დავმტკბარიყავით ამ ბედნიერებით და მაღალი ვიბრაციის აურით, გაცილებით მეტი და უფრო შინაარსიანად გვეფიქრა სულიერებასა და ესთეტიკაზე (დარწმუნებული ვარ, რომ ტურისტული სეზონისთვის ეს ერთ-ერთი განსაკუთრებული ადგილობრივი სანახაობა იქნებოდა). მადლობა ჩემს დას, რომელიც ჩემი მძღოლის მოვალეობას ასრულებს და მივყავარ და მოვყავარ დანიშნულების ადგილებამდე. ეს საქართველოა! გამოყენებული მუსიკა: რაიმონდ პაულსი, მუსიკა კ/ფილმიდან „გრძელი გზა დიუნებში“; გია ყანჩელი „ყვითელი ფოთლები“. #საქართველოჩვენსგარშემო