#23. თუშეთის გზაზე (უღელტეხილი) - #23. Tusheti Road (Pass)

ვიდეობლოგი #23, საავტორო პროექტი "საქართველო ჩვენს გარშემო". მეგობრებთან ერთად გავყევით გზას „ფშაველი - აბანო - თუშეთის უღელტეხილი“ და პროექტი „საქართველო ჩვენს გარშემო“ გამდიდრდა კიდევ ერთი, #23-ევიდეობლოგით. თავისთავად წინამდებარე ვიდეო იმდენად ლამაზი ბუნების ხედებით არის გაჯერებული, რომ შეიძლებოდა აქვე მოკლედ, რამდენიმე სტრიქონით შემოვფარგლულიყავი და მეტი არაფერიც აღარ დამეწერა. და მართლაც, ხანდახან ვფიქრობ, რომ ჩემი წერის სტილი, ემოციური აღტაცებული, ენერგიული, სავსე მეტაფორებით შედარებებით და ჰიპერბოლებით, საქართველოს და ყოველივე ღირსეული ქართულის განდიდებით - ცოტა გადაჭარბება ხომ არ არის, და იქნება მივანდო-თქო უფრო მეტი მაყურებელს, მივცე მას მეტი სივრცე დამოუკიდებლად იფიქროს და იმსჯელოს, თავად განსაჯოს და გაარჩიოს თეთრი და შავი, ფერი და უფერულობისა, ავიც და კარგიც. რა თქმა უნდა, ისიც ფაქტია, რომ თავად თუშეთი და ყველაფერი, რაც ამ მხარეს უკავშირდება, დღეს უკვე გახდა ამაყი და სათუთი სილამაზის სიმბოლო და უბრალო მინაწერიც კი ფოტოსა და ან ვიდეოზე ხშირად სავსებით საკმარისია ხოლმე. თუმცა ამ ყველაფერთან ერთად, ის, რასაც მე ვწერ ლექსად, სიმღერად თუ ვიდეოჩანახატების აღწერილობად, ეს არაა ლიტონი სიტყვები, ეს არაა სიტყვა სიტყვისთვის. ეს ჩემი ემოციების სიტყვიერი გამოხატულებაა, სურვილია ყველას ვაჩვენო და მაქსიმალურად მეტი რაოდენობის თანამემამულეს გავუზიარო რა სამშობლო გვაქვს - ლაღი, ხელი ხელით საგოგმანები, ბრძოლებითა და სისხლით მოტანილი, რამდენი თავგანწირვის შედეგია ეს ენითაღუწერელი სიმდიდრე, რაც გაგვაჩნია. დიახ, ჩემო ძვირფასო მეგობრებო, მე ვწერ აღტაცებულ აზრს, ვიყენებ ლიტერატურულ სვლას მხოლოდ იმისთვის, რომ უფრო მეტად დავაფასოთ ჩვენი, უფრო მეტად მოვეფეროთ ჩვენსას, უფრო მეტად პატივი შევასხათ მშობლიურს და ერთმანეთს. ასე რომ, ჩემო თბილო და ნათელო ხალხო, გისურვებთ ამ ვიდეორგოლის ტკბილ და სასიამოვნო ნახვას, სადაც ნაჩვენებია ჩვენი კალმით ნახატი თუშეთის გზა. დანარჩენი თქვენზეა - მოიწონეთ და აქტიურად გააზიარეთ ეს ვიდეობლოგი! უფალი გფარავდეთ! გამოყენებული მუსიკა: 1. ანსამბლი „გეორგიკა“ კომპოზიცია „თუშური მელოდიები“. 2. ანსამბლი „ურმული“ სიმღერა „შატილის ასულო“. #თუშეთი #თუშეთისგზა #თუშეთისმეცხვარე #თუშეთისგზაზე #უღელტეხილი #აბანო #ფშაველი #სვიანა #თუშეთში