ენმ: ზუგდიდში დევნილთა სამმართველოს ელექტროენერგია გადაუხდელობის გამო გაუთიშეს
05/29/2017
Radio Atinati-ის
მიერ
„ერთიანი ნაციონალური მოძრაობის“ ინფორმაციით, ზუგდიდში დევნილთა სამმართველო ელექტორო ენერგიისა და ინტერნეტის საფასურის გადაუხდელობის გამო პარალიზებული იყო. პარტიის ზუგდიდის ორგანიზაციის თავმჯდომარის მოვალეობის შემსრულებლის ანა წითლიძის თქმით, სამმართველო იძულებით გადაადგილებულ პირებს ორი კვირის განმავლობაში ვერ ემსახურებოდა.
„აფხაზეთსა და აჭარაში მცხოვრებ დევნილებს, რომლებიც ზუგდიდში იყვნენ ჩამოსულები, მომსახურების მიღების გარეშე მოუწიათ უკან დაბრუნება. ახალი ამბავი არ არის სამინისტროს მხრიდან დევნილების პრობლემების იგნორი, მაგრამ ახლა რაც ხდება, არის სრული კატასტროფა, სახელმწიფო სტრუქტურა არის სრულიად პარალიზებული და სამმართველო, რომელიც ემსახურება ყველაზე დიდი რაოდენობით დევნილს, ვერ ახერხებს, რომ ელემანტარული მომსახურება გაუწიოს მათ“, - აღნიშნა წითლიძემ.
თავის მხრივ, აჭარისა და სამეგრელო-ზემო სვანეთის დევნილთა სამმართველოში ოპოზიციური პარტიის მიერ გაჟღერებულ ინფორმაციას აბსურდულს უწოდებენ და აცხადებენ, რომ ელექტრო ენერგიისა და ინტერნეტის პრობლემა მხოლოდ რამდენიმე საათით ჰქონდათ.
„პარასკევ დღეს, რომელიც იყო დასვენების დღე, შეგვექმნა ელექტრო ენერგიის პრობლემა, რაც მალევე აღმოიფხვრა“, - თქვა ჩილაჩავამ.
\"ენერგო-პრო ჯორჯიაში\" კი აცხადებენ, რომ დევნილთა სამმართველოს ელექტროენერგია გადაუხდელობის გამო 24 მაისს დღის მეორე ნახევრიდან 25 მაისის დილის ათ საათამდე არ მიეწოდებოდა. დღეს უწყებას დენი მიწოდება ტრანსფორმატორის დაზიანების გამო შეუწყდა, თუმცა კომპანიაში ამბობენ, რომ პრობლემა დღის ბოლომდე აღმოიფხვრება.
რადიო \"ათინათი\"
Website: http://radioatinati.ge/
Facebook: https://www.facebook.com/Rado.ATINATI...
Google+: https://plus.google.com/u/0/116211701...
Twitter: https://twitter.com/
„აფხაზეთსა და აჭარაში მცხოვრებ დევნილებს, რომლებიც ზუგდიდში იყვნენ ჩამოსულები, მომსახურების მიღების გარეშე მოუწიათ უკან დაბრუნება. ახალი ამბავი არ არის სამინისტროს მხრიდან დევნილების პრობლემების იგნორი, მაგრამ ახლა რაც ხდება, არის სრული კატასტროფა, სახელმწიფო სტრუქტურა არის სრულიად პარალიზებული და სამმართველო, რომელიც ემსახურება ყველაზე დიდი რაოდენობით დევნილს, ვერ ახერხებს, რომ ელემანტარული მომსახურება გაუწიოს მათ“, - აღნიშნა წითლიძემ.
თავის მხრივ, აჭარისა და სამეგრელო-ზემო სვანეთის დევნილთა სამმართველოში ოპოზიციური პარტიის მიერ გაჟღერებულ ინფორმაციას აბსურდულს უწოდებენ და აცხადებენ, რომ ელექტრო ენერგიისა და ინტერნეტის პრობლემა მხოლოდ რამდენიმე საათით ჰქონდათ.
„პარასკევ დღეს, რომელიც იყო დასვენების დღე, შეგვექმნა ელექტრო ენერგიის პრობლემა, რაც მალევე აღმოიფხვრა“, - თქვა ჩილაჩავამ.
\"ენერგო-პრო ჯორჯიაში\" კი აცხადებენ, რომ დევნილთა სამმართველოს ელექტროენერგია გადაუხდელობის გამო 24 მაისს დღის მეორე ნახევრიდან 25 მაისის დილის ათ საათამდე არ მიეწოდებოდა. დღეს უწყებას დენი მიწოდება ტრანსფორმატორის დაზიანების გამო შეუწყდა, თუმცა კომპანიაში ამბობენ, რომ პრობლემა დღის ბოლომდე აღმოიფხვრება.
რადიო \"ათინათი\"
Website: http://radioatinati.ge/
Facebook: https://www.facebook.com/Rado.ATINATI...
Google+: https://plus.google.com/u/0/116211701...
Twitter: https://twitter.com/
