„თვითმმართველი ქალაქის გაუქმებიდან კანონპროექტის ჩაგდებამდე“ - პროტესტი მერაბ ქვარაიას ბიუროსთან

საარჩევნო სისტემის ცვლილებასთან დაკავშირებულ კანონპროექტის ჩაგდებას ზუგდიდში მაჟორიტარი დეპუტატის მერაბ ქვარაიას ბიუროსთან გააპროტესტეს. ბიუროსთან მოქალაქეები, ადგილობრივი არასამთავრობო ორგანიზაციის ოპოზიციური პარტიის წარმომადგენლები შეიკრიბნენ. მათ ასევე ხელში ეჭირათ ტრანსპარანტები წარწერებით: „ბიძინა მაჟორიტარების მეფე“, თვითმმართველი ქალაქის გაუქმებიდან პროპორციული არჩევნების გაუქმებამდე“, „მოგვატყუეს“, სირცხვილია“, გადაგვაგდეთ?გადაგაგდებთ“ და სხვა. აქციის ერთ-ერთი ორგანიზატორის ცაბუნია ვართაგავს თქმით, მერაბ ქვარაიას ბიუროსთან მათი შეკრება სიმბოლურია, რადგან სწორედ ის არის ერთ-ერთი დეპუტატი, რომელმაც თავის ინიცირებულ კანონპროექტს არ დაუჭირა მხარი. „ჩვენ აქ ვაპროტესტებთ იმ სამარცხვინო გადაწყვეტილებას, რომელიც მიიღო საქართველოს პარლამენტმა. ეს არის კიდევ ერთი შავი ლაქა პარლამენტარიზმის ისტორიაში. კიდევ ერთი ფაქტი, როდესაც სამოქალაქო საზოგადოებას დაგვპირდნენ კიდევ ერთ ცვლილებას და ეს არ შეასრულეს. ზუსტად ამიტომ ვდგავართ დღეს აქ. ადგილიც არ არის შემთხვევით შერჩეული. ეს არის სიმბოლური, იმიტომ რომ მერაბ ქვარაია იყო ერთ-ერთი პარლამენტარი, რომელიც არის ამ კანონპროექტის ინიციატორი, როგორც აღმოჩნდა მან თავის ინიცირებულ კანონპროექტს მხარი არ დაუჭრია, რაც არის სრულიად სამარცხვინო“, - ამბობს ცაბუნია ვართაგავა. საერთაშორისო გამჭვირვალობა-საქარველოს ზუგდიდის ოფისის ხელმძღვანელის არჩილ თოდუა ამბობს, რომ ქვეყანა მძიმე პოლიტიკურ კრიზისშია და ხელისუფლებას მოუწოდებს გაიაზრონ მათი პასუხისმგებლობა. თოდუას თქმით, ქვეყნის არაფორმალური მმართველები ცდილობენ, რომ ქვეყანა მიიტაცონ და ადამიანებს პარლამენტის დაკომპლექტების სამართლიანი გზა წაართვან. „ვხედავთ და ფაქტია, რომ რაღაც სპექტაკლის მონაწილე გახდა ჩვენი პარლამენტი. ფაქტია, რომ ქვეყნის არაფორმალური მმართველები ცდილობენ სახელმწიფოს მიტაცებას და ცდილობენ ადამიანებს წაართვან ყველაზე სამართლიანი გზა პარლამენტის დაკომპლექტების, რომელიც მიგვაჩნია, რომ არის პროპორციული საარჩევნო სისტემა. იმის გათვალისწინებით, რომ კონსენსუსი იყო და ყველა პოლიტიკური ძალა იყო მომხრე ამ სისტემაზე გადავსულიყავით. მათ შორის ის ადამიანები ვინც დღეს არ მისცა ხმა. ქვეყანა შესულია მძიმე პოლიტიკურ კრიზისში. ჩვენ მოვუწოდებთ გაიაზრონ მათ ეს პასუხისმგებლობა, რომლის ერთადერთ ალტერნატივად მიგვაჩნია საარჩევნო სისტემის შეცვლა“, - აღნიშნა არჩილ თოდუამ. „ევრპული საქრათველოს“ წევრი ბათლომე შელია თქმით, ბიძინა ივანიშვილმა საზოგადეობსი „ გადასაგდებად“ მერაბ ქვარაია და ედიშერ თოლორაი გამოიყენა. „წლის ანიეკდოტი არის ის, რომ მერაბ ქვარია და ედიშერ თოლორაია ბიძინა ივანიშვილის ნების წინააღმდეგ წავიდნენ. პირიქით ბიძინა ივანიშვილმა, მათ შორის ,ეს ორი მორჩილი ადამიანი გამოიყენა საზოაგადოების გადასაგდებად, რაც მას არავითარ შემთხვევაში არ შერჩება. ეს არის საზოგადეობის გადაგდება“, - თქვა მან. აქციის მონაწილეებმა ტრანსფარანტები ბიუოს შესასვლელთან გააკრეს. პარლამენტმა საარჩევნო სისტემის ცვლილებასთან დაკავშირებით კონსტიტუციურ კანონში ცვლილებები პირველი მოსმენით ჩააგდო. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Twitter: https://twitter.com/Atinati1059 Instagram: https://www.instagram.com/radioatinat...