აფხაზეთიდან დევნილი: მოტყუებით წართმეული ბინის დაბრუნებას ვითხოვ

აფხაზეთიდან დევნილი მანანა თაკალანძე შპს „სუპერმარკეტის“ დირექტორის მოადგილეს მანანა ბარძემაშვილი თაღლითობაში ადანაშაულებს. თაკალანძის მტკიცებით, ბერძენიშვილმა მას თაღლითური გზით ბინა წაართავა. „გასული წლის აპრილსი ბინა მივიღე დევნილთა დასახლებაში. მინდოდა, სოფლის სახლში გადამეცვალა. არ ვიცი, ეს ამბავი საიდან გაიგო მანანა ბერძენიშვილმა, ერთ დღეს სახლში მომადგა და გადასაცვლელად საკუთარი სახლი შემომთავაზა. დავთანხმდი, წავედით რეესტრში და მოვაწერე ხელი გაცვლაზე. მერე აღმოჩნდა, რომ ნასყიდობაზე მომაწერინა ხელი“, - თქვა თაკალანძემ. ის ოჯახის წევრებთან და ადვოკატთან ერთად ერთად ზუგდიდის რაიონული პროკურატურის შენობასთან იმყოფება და საოლქო პროკურორთან შეხვედრას ითხოვს, რათა უწყება აღნიშნულით დაინტერესდეს. შს სამინისტროს ინფორმაციით, საქმეზე გამოძიება სს კოდექსის 180-ე თაღლითობის მუხლით მიმდინარეობს. თავად მანანა ბარძემაშვილი რადიო „ათინათის“ სატელეფონო ზარებს არ პასუხობს. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/