დარეჯან სუმბაძე. 07. ჩემი სპონსორი. საბაზრო ეკონომიკა და პრეზენტაცია თოვლი
09/08/2015
Dare Sumbadze-ის
მიერ
(,,მეტალის პეპელა. ჩრდილიდან\", 2010, გვ. 60-61)
ჩემი სპონსორი. საბაზრო ეკონომიკა და პრეზენტაცია თოვლი
დამირეკოს თქვენმა სპონსორმა
ჯეისონ
დღეს ტირილია, რაც ყველაზე კარგად გამომდის.
და სიცივე. რაც ყველაზე კარგად.
ჟრუანტელი გამომდის
და ვიფიქრებდი გავზაფხულდი, რომ არა ხედი
ჩემი ფანჯრიდან:
ისეთი ნისლია, ისეთი,
ზუსტად ვიცი, გააბიჯებ. არ დაეცემი.
შეგიძლია ისრიალო სახლების ზემოთ. სახურავების.
მოაგროვო გაოგნება, ყურადღება
ფანჯრიდან. ღიადდარჩენილი.
გადარჩენილი. ყურადღება მოაგროვო.
ყველაზე ნამდვილი აუდიტორია,
რომელსაც მერე, უარჩევნებო კვირისბოლოს
ვეღარ მოკრებავ.
აღარც სპონსორი დაგჭირდება.
სამაგიეროდ.
აქ შეგიძლია ისრიალო აზრების ზემოთ.
თეთრი აზრების სახურავების.
მოაგროვო მყარი ჰაერი.
სიტყვებივით. მომავალი კრებულისთვის.
რომლისთვისაც, თუ გაგიმართლა,
შეგიძია სიკვდილიც კი დაისპონსორო
სარფიანი გარიგებით –
მკლავების,
თმების,
ბაგეების,
მხოლოდ მისთვის გამერტებული გაუყოფელი
მარადიული სითბოს სანაცვლოდ.
შეახსენო
ღია ფანჯრებს. გადარჩენილ ყურადღებას.
რასაც ამ დღისთვის აგროვებდი.
შეახსენო. ისე მოთოვა,
თითქოს – უთქმელად დადებული ყველა სიტყვა,
მოუსვლელი ყველა წერილი.
ვისაც ოდესღაც გზა აებნა –
მოვიდაო.
რა ხანია. და ისე დადო.
შეგიძლია შეციებულმაც გააბიჯო. მოაგროვო.
რა სათქმელია, არ დაეცემი.
05.01.08.
ტექსტი: https://www.facebook.com/darejan.sumb...
ჩემი გვერდი: https://www.facebook.com/darejan.sumb...
ჩემი სპონსორი. საბაზრო ეკონომიკა და პრეზენტაცია თოვლი
დამირეკოს თქვენმა სპონსორმა
ჯეისონ
დღეს ტირილია, რაც ყველაზე კარგად გამომდის.
და სიცივე. რაც ყველაზე კარგად.
ჟრუანტელი გამომდის
და ვიფიქრებდი გავზაფხულდი, რომ არა ხედი
ჩემი ფანჯრიდან:
ისეთი ნისლია, ისეთი,
ზუსტად ვიცი, გააბიჯებ. არ დაეცემი.
შეგიძლია ისრიალო სახლების ზემოთ. სახურავების.
მოაგროვო გაოგნება, ყურადღება
ფანჯრიდან. ღიადდარჩენილი.
გადარჩენილი. ყურადღება მოაგროვო.
ყველაზე ნამდვილი აუდიტორია,
რომელსაც მერე, უარჩევნებო კვირისბოლოს
ვეღარ მოკრებავ.
აღარც სპონსორი დაგჭირდება.
სამაგიეროდ.
აქ შეგიძლია ისრიალო აზრების ზემოთ.
თეთრი აზრების სახურავების.
მოაგროვო მყარი ჰაერი.
სიტყვებივით. მომავალი კრებულისთვის.
რომლისთვისაც, თუ გაგიმართლა,
შეგიძია სიკვდილიც კი დაისპონსორო
სარფიანი გარიგებით –
მკლავების,
თმების,
ბაგეების,
მხოლოდ მისთვის გამერტებული გაუყოფელი
მარადიული სითბოს სანაცვლოდ.
შეახსენო
ღია ფანჯრებს. გადარჩენილ ყურადღებას.
რასაც ამ დღისთვის აგროვებდი.
შეახსენო. ისე მოთოვა,
თითქოს – უთქმელად დადებული ყველა სიტყვა,
მოუსვლელი ყველა წერილი.
ვისაც ოდესღაც გზა აებნა –
მოვიდაო.
რა ხანია. და ისე დადო.
შეგიძლია შეციებულმაც გააბიჯო. მოაგროვო.
რა სათქმელია, არ დაეცემი.
05.01.08.
ტექსტი: https://www.facebook.com/darejan.sumb...
ჩემი გვერდი: https://www.facebook.com/darejan.sumb...
