„გამჭვირვალობა“: თვითმმართველობის საქმიანობაში მოქალაქეთა ჩართულობა დაბალია

,,საერთაშორისო გამჭვირვალობა - საქართველომ’’ სამეგრელო-ზემო სვანეთის მუნიციპალიტეტებში გადაწყვეტილების მიღების პროცესში მოქალაქეთა ჩართულობის შესახებ ანგარიში წარადგინა. ორგანიზაციის ადგილობრივი ოფისის ხელმძღვანელის არჩილ თოდუას განმარტებით, ადგილობრივი თვითმმართველობის ორგანოთა საქმიანობაში მოქალაქეთა ჩართულობის თვალსაზრისით რამდენიმე მნიშვნელოვანი პრობლემა არსებობს, მათ შორის, არაიმფორმირებულობა და მოქალაქეების ჩართულობის მექანიზმების არაეფექტურობა. ორგანიზაციაში აცხადებენ, რომ მოქალაქეები უემტეს შემთხვევაში, პეტიციით ითხოვენ არა სამართლებრივ რეგულირების ცვლილებას, არამედ ინფრასტრუქტურული სამუშაოების განხორციელებას. „პეტიციის გამოყენების შემაფერხებელია დათქმა, იმის თაობაზე, რომ მისი წარდგენის უფლება აქვთ კონკრეტულ თვითმართველ ერთეულში რეგისტრირებული ამომრჩევლების 1 პროცენტს. ამ მექანიზმის გასაუმჯობესლებად საჭიროა მოსახლეობის უფრო მცირე ჯგუფს შეეძლოს პეტიციის წარდგენის უფლება“, - აღნიშნა თოდუამ. კვლევაში ჩართულობის ერთ-ერთ მექნიზმზე - დასახლების საერთო კრებაზე ნათქვამია, რომ ის მუნიციპალიტეტების უმრავლესობაში საერთოდ არ გამართულა, ხოლო იქ, სადაც ჩატარდა, უმრავლეს შემთხვევაში ინიციატორი არა მოქალაქეთა ჯგუფი, არამედ მუნიციპალიტეტის გამგებელი იყო. რაც შეეხება საკრებულოს წევრთა შეხვედრებს ამომრჩეველთან, ორგანიზაციაში თვლიან, რომ აუცილებელია შეხვედრის ოქმია შევსება, რასაც დეპუტატები ხშირ შემთხვევაში არ ადგენენ. „საჭიროა ოფიციალურ დოკუმენტში აისახოს შეხვედრაზე განხილული საკითხები და ამომრჩეველთა მიერ გამოთქმული მოსაზრებები“, - თქვა თოდუამ. გარდა ამისა, ორგანიზაციის ინფორმაციით, დაბალია მუნიციპალიტეტის ბიუჯეტის პროექტის შემუშავებასა და განხილვაში მოქალაქეების ჩართულობა. „აღნიშნულ პროცესში მოქალაქეთა ჩართულობის ერთგვარი წახალისების მიზნით ნაბიჯები უნდა გადაიდგას მუნიციპალიტეტის მხრიდანაც, რათა საკრებულოს მიერ მიღებული საბოლოო დოკუმენტი მაქსიმალურად ასახავდეს მოქალაქეთა ყველა ჯგუფის წინაშე მდგარ საჭიროებებს, ამ მიზნით“, - თქვა თოდუამ. ორგანიზაციის რეკომენდაციით, საკანონმდებლო რეგულაციები უნდა იყოს იმდაგვარი, რომ ადგილობრივი თვითმმართველობის ორგანოთა საქმიანობაში მოქალაქეთა ჩართულობის პროცესი რამდენიმე ეტაპად დაიყოს, მაგალითად: პრობლემის იდენტიფიცირება, პროექტებისა და ალტერნატივების შექმნა, საბიუჯეტო და ფინანსური დაგეგმარება, განხორციელება; პროექტის მიმდინარეობის მონიტორინგი და შეფასება. Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/