MOE: პროექტი წარმატებით დასრულდა

http://moe.gov.ge/index.php?lang_id=G... გარემოს დაცვის მინისტრმა გოგა ხაჩიძემ ეკო-საგანმანათლებლო კონკურსის პირველი ეტაპის შედეგები შეაჯამა და საზოგადოებას 5 საუკეთესო საპროექტო წინადადება გააცნო. გამარჯვებულებს მინისტრმა სერთიფიკატები გადასცა. „საერთაშორისო სტატისტიკის მიხედვით, ყველაზე დიდი აქტიურობა საზოგადოების მხრიდან საქართველოში იყო. ეს მიუთითებს, რომ თანამშრომლობის კარგი კომბინაციაა, როგორც მეწარმეების მხრიდან, ისე სახელმწოფოს მხრიდან. მნიშვნელოვანია, რომ საზოგადოების მხრიდან არის მზაობა, აქტიურად მიიღოს მონაწილეობა მსგავს პროექტებში," - განაცხადა გოგა ხაჩიძემ. საერთაშორისო საგანმანათლებლო გარემოსდაცვითი კონკურსი „ბიომრავალფეროვნების ხელშეწყობა კარიერებზე" (Quarry Life Award) კომპანია „ჰაიდელბერგცემენტის" მიერ გარემოს დაცვის სამინისტროს მხარდაჭერით ხორციელდება. კონკურსმა სტუდენტებსა და მკვლევარებში დიდი ინტერესი გამოიწვია. მსოფლიოს 4 კონტინენტიდან შესული 300 საპროექტო წინადადება საერთაშორისო გამარჯვების მოსაპოვებლად იბრძვის. საქართველო საზოგადოების ჩართულობის მაღალი მაჩვენებლით გამოირჩევა. 5 საუკეთესო პროექტის ავტორი კარიერებზე კვლევით სამუშაოებს გაზაფხულზე ჩაატარებენ. გამოვლენილ საუკეთესო სამეულს 5 000 ევრომდე საპრიზო თანხა გადაეცემა. 2012 წლის დეკემბერში კი - გლობალურ გამარჯვებულებს 30 000 ევრომდე დააჯილდოვებს.