სიცივის ფაქტორი
მე გამეყინა ხელები, ფეხები, გრძნობები,
შენ გაგეყინა სული და ტვინი,
მას გაეყინა წყლის ორთქლი ფანჯარაზე,
ჩვენ გვცივა და მიზეზი ვერ გვიპოვია.
ჩვენ არ გვესმის ერთმანეთის,
რადგან პირიდან სიტყვების ნაცვლად
წყლის ორთქლი ამოგვდის მხოლოდ,
უხმო ძახილი კი გულს გვიხეთქავს
და გვიხეთქავს გათოშილ ყურის ბარაბანს.
ჩვენ არ გვესმის ერთმანეთის,
რადგან ფილტვები ხმას ვერ გამოსცემს
და ასეც რომ იყოს,
გათოშილია ,,ო-ორი\" ჩვენ შორის,
თუმცა ჯერ მხოლოდ ოქტომბერია
და თუმცა ჯერ არ შეწყვეტილა გაზი
ჩვენი გოდოლის გაზსადენში,
მაინც არ გვესმის ერთმანეთის.
ჩვენი განცდები დანაწევრდა
და დაუნდობლად
გაპიროვნდა ახალ წყვილებზე,
პირამდე შევავსეთ გაუცხოვების მყიფე ჭურჭელი
და განმუხტული იონების
პოლუსური ორაზროვნება გავანეიტრალეთ.
მე გამეყინა გრძნობა,
შენ _ სული,
მას _ სუნთქვა
და ჩევენი განმუხტული სამყაროს
ტემპერატურული მაჩვენებელი
ნულს მრავალი გამყინავი საუკუნით ჩასცდა.
( კრებულიდან ,,მეტალის პეპელა\". 2007)
ჩემი გვერდი: / darejan.sumbadze
მე გამეყინა ხელები, ფეხები, გრძნობები,
შენ გაგეყინა სული და ტვინი,
მას გაეყინა წყლის ორთქლი ფანჯარაზე,
ჩვენ გვცივა და მიზეზი ვერ გვიპოვია.
ჩვენ არ გვესმის ერთმანეთის,
რადგან პირიდან სიტყვების ნაცვლად
წყლის ორთქლი ამოგვდის მხოლოდ,
უხმო ძახილი კი გულს გვიხეთქავს
და გვიხეთქავს გათოშილ ყურის ბარაბანს.
ჩვენ არ გვესმის ერთმანეთის,
რადგან ფილტვები ხმას ვერ გამოსცემს
და ასეც რომ იყოს,
გათოშილია ,,ო-ორი\" ჩვენ შორის,
თუმცა ჯერ მხოლოდ ოქტომბერია
და თუმცა ჯერ არ შეწყვეტილა გაზი
ჩვენი გოდოლის გაზსადენში,
მაინც არ გვესმის ერთმანეთის.
ჩვენი განცდები დანაწევრდა
და დაუნდობლად
გაპიროვნდა ახალ წყვილებზე,
პირამდე შევავსეთ გაუცხოვების მყიფე ჭურჭელი
და განმუხტული იონების
პოლუსური ორაზროვნება გავანეიტრალეთ.
მე გამეყინა გრძნობა,
შენ _ სული,
მას _ სუნთქვა
და ჩევენი განმუხტული სამყაროს
ტემპერატურული მაჩვენებელი
ნულს მრავალი გამყინავი საუკუნით ჩასცდა.
( კრებულიდან ,,მეტალის პეპელა\". 2007)
ჩემი გვერდი: / darejan.sumbadze
