მინისტრის მოადგილე: დევნილები ბინებს ეტაპობრივად მიიღებენ

ზუგდიდში, რაიონული საავადმყოფოს ყოფილ შენობაში ჩასახლებული დევნილები ეტაპობრივად განსახლდებიან. ამის შესახებ დევნილთა და განსახლების მინისტრის მოადგილე გრიგოლ გიორგაძემ განაცხადა. მინისტრის მოადგილე და სპეციალური კომისია კენჭისყრის პროცესს დაესწრნენ, რომელიც კულტურს სახლ „ოდიშში“ გაიმართა. შეხვედრამდე, გრიგოლ გიორგაძე რაიონულ საავმყოფოში ჩასახლებული დევნილების საკითხსაც შეეხო და აღნიშნა, სამინისტროსთვის ცნობილია აქ არსებული მძიმე საცხოვრებელი პირობების შესახებ, თუმცა, მისი თქმით, მსგავსი ობიექტი ზუგდიდში ბევრია. „აღნიშნულ შენობაში მცხოვრებმა არაერთმა ოჯახმა მიიღო ბინა ქულების მიხედვით, რაც შეეხება დანარჩენ ოჯახებს, ისინი შემდეგ ეტაპზე განიხილებიან და ბუნებრივია მათ მძიმე საცხოვრებელ პირობებს ყურადღება მიექცევა“, - აღნიშნა გიორგაძემ. ცნობისთვის, საავადმყოფოს ყოფილ შენობაში მცხოვრები რამდენიმე ადამიანი, ჩასახლების ეზოს სახელდახელოდ აგებულ კარავში, ორ კვირაზე მეტია შიმშილობდა. ისინი მათთვის მინიჭებული ქულების გადამოწმებას და საცხოვრებელი ფართებით უზრუნველყოფას ითხოვენ. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/