ჯიხაშკარის უბნების დარბევის ფაქტზე დაკავებული გაათავისუფლეს

8 ოქტომბრის საპარლამენტო არჩევნების ხმების დათვლის დროს ჯიხაშკარის 79-ე და 108-ე უბნების დარბევის ფაქტზე დაკავებული გია მხეიძე ზუგდიდის რაიონულმა სასამართლომ გაათავისუფლა. ადვოკატის ჯიტა გულუას ინფორმაციით, მოსამართლემ დააკმაყოფილა დაცვის მხარის შუამდგომლობა 10 000 ლარიანი გირაოთი გათავისუფლების შესახებ და ბრალდებული სასამართლო დარბაზიდან გაათავისუფლა. "ორთვიანი პატიმრობის გადაწყვეტილება იმით იყო განპირობებული, რომ ორ კვირაში უნდა ჩატარებულიყო განმეორებითი არჩევნები და შესაძლოა, მას ახალი დანაშაული ჩაედინა... ახლა კი არ არსებობდა მისი პატიმრობის დატოვების საფუძველი და სასამართლომ აბსულუტურად ობიექტურად მიიღო გადაწყვეტილება აღმკვეთი ღონისძიების უფრო მსუბუქი ფორმით შეცვლის თაობაზე. ასე, რომ მადლობა სასამართლოს", - განაცხადა გულუამ. მხეიძეს გირაოს თანხის დაგასახდელა 30 დღე განესაზღვრა. ცნობისთვის, გია მხეიძეს ორთვიანი წინასწარი პატიმრობა ჰქონდა შეფარდებული. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/