როგორ მიმდინარეობს არჩევნები ჯიხაშკარში

29.10.2016 00:41

Radio Atinati

არხი

ზუგდიდის რაიონის სოფელ ჯიხაშკარში, 79-ე და 108-ე საარჩევნო უბნებზე მეორე ტური მშვიდ ვითარებაში მიმდინარეობს. საარჩევნო პროცედურები დარღვევების გარეშე წარიმართა. ორივე უბანზე პირველი ამომრჩეველი 9-ის პირველივე წუთებზე მიიღეს. "სოფლის მეურნეობა დაქცეულია, ყველაფერი გაძვირდა, ხმა უკეთეს მომავალს მივეცი" - უთხრა რადიო "ათინათს" ჯიხაშკარის მკვიდრმა ლეო გეთიამ. ჯიხაშკარში 8 ოქტომრის არჩევნების შედეგები ორივე უბანზე გაბათილდა. აქ ხმის დათვლის დასრულებისას უბნებზე რამდენიმე პირი შეიჭრა და დაარბია. ფაქტზე სამართალდამცავებმა ორი პირი დააკავეს, ერთი მათგანი გია მხეიძე პატიმრობაში რჩება, ხოლო მეორე - კაკო ტიბუა გირაოს სანაცვლოდ გაათავისუფლეს. უბნების დარბევის ფაქტზე გამოძიება გრძელდება. რადიო "ათინათი" Website: http://radioatinati.ge/ Facebook: / rado.atinati. . Google+: https://plus.google.com/u/0/116211701... Twitter: https://twitter.com/

გაზიარება: