საარჩევნო უბნის დარბევაში ბრალდებულ ტიბუას სასამართლო ხვალ განახლდება

06.12.2016 01:05

Radio Atinati

არხი

ჯიხაშკარის 108-ე საარჩევნო უბნის დარბევაში ბრალდებულ კაკო ტიბუას წინა სასამართლო სხდომა გადაიდო. დაცვის მხარემ და პროკურატურამ სხვადასხვა ოქმი წარმოადგინეს. ტიბუას ადვოკატმა განაცხადა, რომ მტკიცებულებები თავის დროზე არ იყო გაცვლილი, ამიტომაც მათი დაუშვებლობა მოითხოვა, რასაც პროკურორი არ დაეთანხმა. მოსამართლე დავით გელაშვილმა მტკიცებულებების გასაცნობად დრო მოითხოვა. შესაბამისად, განხილვა ხვალ გაიმართება. სასამართლო პროცესს ამავე ინციდენტში ყოფილი ბრალდებული გია მხეიძეც ესწრებოდა. ცნობისთვის, ჯიხაშკარის 108-ე უბნის დარბევის ბრალდებით დაკავებულ კაკო ტიბუას ზუგდიდის რაიონულმა სასამართლომ აღმკვეთი ღონისძიების სახით 13 ოქტომბერს 10 ათასი ლარის ოდენობის გირაოს გადახდა დააკისრა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: