„ევროპული საქართველო“: ზუგდიდში კომისიის წევრებს დაავალეს, რომ ბიულეტენებზე ბეჭდები არ დასვან

„ევროპული საქართველოს“ ზუგდიდის ორგანიზაციაში აცხადებენ, რომ მმართველი პარტია არჩევნების გასაყალბებად ემზადება. პარტიის ერთ-ერთი ლიდერის ლაშა დამენიას ინფორმაციით, „ქართული ოცნების“ წარმომადგენლებმა საარჩევნო უბნის კომისიის წევრებს დაავალეს, რომ ოპოზიციური პარტიის სავარაუდო მხარდამჭერების ბიულეტინებზე ბეჭდები არ დასვან. მისივე მტკიცებით, მსგავსი ქმედებით იმ ბიულეტენის გაბათილებას ეცდება, სადაც მათი საარჩევნო ნომერი იქნება შემოხაზული. „ბოლო არჩევნებზე ხმების დათვლის პროცესში ბევრი ბიულეტენი გაბათილდა. მმართველმა პარტიამ წელსაც იგივე ხერხს მიმართა ასევე, ისინი ეცდებიან, რომ ე.წ. კარუსელი დაატრიალონ. ოპოზიციური პარტიის კომისიის წევრს მოვუწოდებ, რომ საარჩვენო უბნებზე ერთმანეთთან ითანამშრომლონ. თუ კი პირადობის მოწმობის სურათი იქნება შედარებული სარეგისტრაციო ჟურნალში არსებულ სურათთან ადვილად გამოვლინდება კარუსელი“, -განაცხადა ლაშა დამენიამ. „ქართული ოცნების“ საარჩევნო შტაბში ოპოზიციური პარტიის ბრალდებებს აბსურდულს უწოდებენ და აცხადებენ, რომ ამ საკითხზე დამატებით კომენტარს არ გააკეთებენ. რადიო "ათინათი" Website: http://radioatinati.ge Facebook: https://www.facebook.com/Rado.ATINATI Google +: https://plus.google.com/u/0/116211701... Twitter: https://twitter.com/