ზუგდიდში პროფესიული კოლეჯის აღდგენას ითხოვენ

საინიციატივო ჯგუფი ზუგდიდში 2009 წელს გაუქმებული კოლეჯის აღდგენას ითხოვს. ამასთან დაკავშირებით მათ დემოკრატიული ჩართულობის ცენტრში სამუშაო შეხვედრა გამართეს, რომელზეც რეგიონში პროფესიული კოლეჯის დაფუძნების აუცილებლობასა და საჭიროებებზე იმსჯელეს. შეხვედრის ორგანიზატორები თვლიან, რომ ადგილზე გადამზადებული კადრები დასაქმების პრობლემას მოაგვარებს და ახალი თაობის პროფესიული უნარ- ჩვევების განვითარებასაც შეუწყობს ხელს. კოლეჯის ყოფილი დირექტორის იზოლდა ხასიას თქმით, სასწავლებლის დახურვის დღიდან სხვადასხვა უწყებებში არაერთი წერილი გააგზავნა, თუმცა კოლეჯის აღდგენა დღემდე ვერ მოხერხდა. მას იმედები პრემიერ-მინისტრის მიერ გაჟღერებულმა ინფორმაციამ გაუჩინა. მამუკა ბახტაძემ მთავრობის მეთაურად დანიშვნიდან რამდენიმე დღეში, ზუგდიდში ყოფნისას, ქალაქში პროფესიული კოლეჯი გახსნის აუცილებლობაზე ისაუბრა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/ Twitter: https://twitter.com/Atinati1059 Instagram: https://www.instagram.com/radioatinat...