MOE: გარემოსა და ბუნებრივი რესურსების დაცვის სამინისტროში ორდღიანი სამუშაო შეხვედრა მიმდინარეობს

http://moe.gov.ge/index.php?lang_id=G... საქართველოს გარემოსა და ბუნებრივი რესურსების დაცვის სამინისტროში ატომური ენერგიის საერთაშორისო სააგენტოსთან ერთად ორ დღიანი სამუშაო შეხვედრა მიმდინარეობს. შეხვედრა მიზნად ისახავს ბირთვული უშიშროების ეროვნული ინტეგრირებული გეგმის განხილვასა და ქვეყნის ბირთვული უშიშროების გაუმჯობესებისათვის სამომავლო გზების დასახვას. გეგმის მომზადებაში და შემდეგ მის განხორციელებაში მონაწილეობას მიიღებენ ატომური ენერგიის საერთაშორისო სააგენტოსა და საქართველოს სხვადასხვა შესაბამისი სამთავრობო უწყების წარმომადგელები. მისი განხილვისას გამოვლენილი იქნება ქვეყნის ეროვნული უშიშროების რეჟიმის ეფექტურობისა და მდგრადობის უზრუნველყოფისათვის საჭირო ძირითადი ქმედებები. მას ესწრებიან ატომური ენერგიის საერთაშორისო სააგენტოს ოფიცერი სარა ბილსონი, პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი, შინაგან საქმეთა, თავდაცვის სამინისტროსა და სხვა სახელმწიფო უწყების წარმომადგენლები. ღონისძიება საქართველოს გარემოსა და ბუნებრივი რესურსების დაცვის მინისტრის მოადგილემ შალვა ამირეჯიბმა გახსნა.