შოთა რეხვიაშვილი მარნეულში სამუშაო შეხვედრაზე
06/10/2019
ქვემო ქართლში სახელმწიფო რწმუნებული შოთა რეხვიაშვილი, მარნეულის ახლადარჩეულ მერთან, ზაურ დარგალთან ერთად, მუნიციპალიტეტში პირველ სამუშაო თათბირს დაესწრო. შეხვედრის მიმდინარეობისას, მხარისა და მუნიციპალიტეტის პირველმა პირებმა, ყურადღება გაამახვილეს კოორდინირებული მუშაობის აუცილებლობასა და პრიორიტეტულ მიმართულებებზე, რომელიც ადგილობრივი მოსახლეობის საჭიროებების უზრუნველყოფას, კიდევ უფრო მეტად, ეფექტურს გახდის. შოთა რეხვიაშვილმა, მარნეულის თვითმმართველობის წარმომადგენლებსა და ხელმძღვანელ პირებს, მუნიციპალიტეტში განხორციელებული, ნაყოფიერი, საქმიანობისთვის მადლობა გადაუხადა და ახალ მერს წარმატებები უსურვა. სახელმწიფო რწმუნებულმა, ადგილობრივ მოსახლეობას კიდევ ერთხელ, განსაკუთრებული მადლობა გადაუხადა გამოჩენილი მაღალი მოქალაქეობრივი პასუხისმგებლობისა და ნდობისთვის. ,,ზაურ დარგალი არის მაღალი ლეგიტიმაციის მერი, მან კარგად იცის მარნეულის სპეციფიკა და სწორად აქვს წარმოდგენილი ის პერსპექტივები და მიმართულებები, რომელიც უფრო მეტად განავითარებს მუნიციპალიტეტს“-განაცხადა შოთა რეხვიაშვილმა. #ქვემოქართლისრეგიონი #სახელმწიფორწმუნებული2019
