მარნეულში პროფესიული კოლეჯის მშენებლობა აქტიურად მიმდინარეობს
06/25/2020
ქვემო ქართლში სახელმწიფო რწმუნებული, შოთა რეხვიაშვილი და განათლების, მეცნიერების, კულტურისა და სპორტის მინისტრის მოადგილე, თამარ ქიტიაშვილი, ქალაქ მარნეულში, პროფესიული კოლეჯის მშენებლობის პროცესს, ადგილობრივი ხელისუფლების ხელმძღვანელ პირებთან და საგანმანათლებლო დაწესებულების წარმომადგენლებთან ერთად გაეცნენ.
150 სტუდენტზე გათვლილი თანამედროვე სტანდარტების შენობა, სრულად იქნება ადაპტირებული შშმ პირებისთვის, ექნება თეორიული სწავლების აუდიტორიები, საკონფერენციო დარბაზი, ბიბლიოთეკა, ლიფტი და ადაპტირებული სველი წერტილები. შენობა აღიჭურვება შესაბამისი ტექნიკით, გათბობა-გაგრილებისა და ვენტილაციის ცენტრალური სისტემით. გარდა სასწავლო კორპუსისა, კეთილმოეწყობა სასწავლებლის ეზო და ღია სპორტული მოედანი.
აღსანიშნავია, რომ რეგიონში, ამ ეტაპზე, მხოლოდ ერთი სახელმწიფო პროფესიული საგანმანათლებლო დაწესებულება - კოლეჯი „მოდუსი“ მოქმედებს, რომელიც ქალაქ რუსთავში მდებარეობს. მარნეულში მშენებარე კოლეჯი „მოდუსის“ ფილიალი იქნება და, მნიშვნელოვნად გაზრდის მხარეში, პროფესიულ განათლებაზე ხელმისაწვდომობას. პროექტი საქართველოს განათლების, მეცნიერების, კულტურისა და სპორტის სამინისტროს ფინანსური მხარდაჭერითა და ადგილობრივი თვითმმართველობის აქტიური ჩართულობით ხორციელდება.
პროფესიული სასწავლებელი ფუნქციონირებას 2021 წლიდან დაიწყებს და მარნეულის, გარდაბნის, დმანისის, ბოლნისის, თეთრიწყაროსა და წალკის მუნიციპალიტეტების საჭიროებების გათვალისწინებით, ძირითადად სოფლის მეურნეობასთან დაკავშირებულ საგანმანათლებლო და მომზადება-გადამზადების პროგრამებს განახორციელებს.
#ქვემოქართლი2020
#მარნეული2020
#ინფრასტრუქტურა2020
#განათლება2020
#სახელმწიფორწმუნებული2020
#შოთარეხვიაშვილი2020
#StopCoV #COVID19
150 სტუდენტზე გათვლილი თანამედროვე სტანდარტების შენობა, სრულად იქნება ადაპტირებული შშმ პირებისთვის, ექნება თეორიული სწავლების აუდიტორიები, საკონფერენციო დარბაზი, ბიბლიოთეკა, ლიფტი და ადაპტირებული სველი წერტილები. შენობა აღიჭურვება შესაბამისი ტექნიკით, გათბობა-გაგრილებისა და ვენტილაციის ცენტრალური სისტემით. გარდა სასწავლო კორპუსისა, კეთილმოეწყობა სასწავლებლის ეზო და ღია სპორტული მოედანი.
აღსანიშნავია, რომ რეგიონში, ამ ეტაპზე, მხოლოდ ერთი სახელმწიფო პროფესიული საგანმანათლებლო დაწესებულება - კოლეჯი „მოდუსი“ მოქმედებს, რომელიც ქალაქ რუსთავში მდებარეობს. მარნეულში მშენებარე კოლეჯი „მოდუსის“ ფილიალი იქნება და, მნიშვნელოვნად გაზრდის მხარეში, პროფესიულ განათლებაზე ხელმისაწვდომობას. პროექტი საქართველოს განათლების, მეცნიერების, კულტურისა და სპორტის სამინისტროს ფინანსური მხარდაჭერითა და ადგილობრივი თვითმმართველობის აქტიური ჩართულობით ხორციელდება.
პროფესიული სასწავლებელი ფუნქციონირებას 2021 წლიდან დაიწყებს და მარნეულის, გარდაბნის, დმანისის, ბოლნისის, თეთრიწყაროსა და წალკის მუნიციპალიტეტების საჭიროებების გათვალისწინებით, ძირითადად სოფლის მეურნეობასთან დაკავშირებულ საგანმანათლებლო და მომზადება-გადამზადების პროგრამებს განახორციელებს.
#ქვემოქართლი2020
#მარნეული2020
#ინფრასტრუქტურა2020
#განათლება2020
#სახელმწიფორწმუნებული2020
#შოთარეხვიაშვილი2020
#StopCoV #COVID19
