მარნეულში მესაქონლეობის ფერმა ამოქმედდა

მარნეულში მესაქონლეობის ფერმა ამოქმედდა მარნეულის მუნიციპალიტეტის სოფელ დამია გეურარხში თანამედროვე სტანდარტებით აღჭურვილი მესაქონლეობის ფერმა სახელმწიფო მხარდაჭერით შეიქმნა. ფერმის ასაშენებლად ჯამურად, 2 მლნ ლარამდე ინვესტიცია განხორციელდა, მათ შორის 1,5 მლნ ლარი შეღავათიანი აგროკრედიტია, დანარჩენი თანხა კი ფერმერის ინვესტიცია. მარნეულის მერის მოვალეობის შემრულებელმა ზაურ ტაბატაძემ, მარნეულის საკრებულოს თავმჯდომარესთან, ამირან გიორგაძესთან, სოფლის განვითარების სააგენტოს დირექტორთან ილია თამარაშვილთან და ქვემო ქართლის მხარის სახელმწიფო რწმუნებულთან, შოთა რეხვიაშვილთნ ერთად ახლადშექმნილი მესაქონლეობის ფერმა დაათვალიერა და სამუშაო პროცესს გაეცნო. აღსანიშნავია, რომ ფერმა ყოველდღიურად 4 ტონა ნედლ რძეს აწარმოებს, წარმოებული პროდუქციის რეალიზაცია კი ადგილობრივ ბაზარზე ხორციელდება. ფერმაში 20 ადგილობრივია დასაქმებული. მოგახსენებთ, რომ შეღავათიანი აგროკრედიტის სახელმწიფო პროექტი 2013 წლიდან ხორციელდება, რაც შესაძლებლობას აძლევს სოფლის მეურნეობაში ჩართულ პირებს იაფი და ხელმისაწვდომი ფულადი სახსრები აგრობიზნესის შექმნისა და განვითარებისკენ მიმართონ. შეღავათიანი აგროკრედიტის პროექტის ფარგლებში ქვემო ქართლის რეგიონში ჯამში 308 მლნ ლარზე მეტი ღირებულების 7 ათასზე მეტი სესხია გაცემული, სააგენტოს გაცემულმა თანადაფინანსებამ შეადგინა 47 მლნ ლარზე მეტი. http://marneuli.gov.ge/siaxleebi1/266...    • მარნეულში მესაქონლეობის ფერმა ამოქმედდა