ზუგდიდში სკეიტ პარკის ტერიტორიაზე შესაძლოა სასტუმრო აშენდეს

ზუგდიდში სკეიტ პარკის ტერიტორიაზე, იუსტიციის სახლის უკან მ² სამსართულიანი სასტუმროს აშენებას გეგმავს. ამის შესახებ კომპანიის გენერალურმა დირექტორმა ირაკლი ბურდულაძემ სასტუმროს პროექტის პრეზენტაციაზე განაცხადა. როგორც ბურდულაძემ აღნიშნა, მას ზუგდიდელების აზრი და შეფასებები აინტერესებს. მისი თქმით, სასტუმრო ხელს არ შეუშლის დადიანების ხედს . "ბრენდული სასტუმრო უნდა მდებარეობდეს ქალაქის ცენტრში. ეს ნორმალური მოვლენაა ყველგან. ეს ადგილი სწორედ ამიტომ შეირჩა, ეს ადგილი გახლავთ ზუგდიდის ცენტრი, ზუგდიდის გული", - განაცხადა ბურდულაძემ. სასტუმროს კონცეფცია, რომელიც 130 თანამედროვე აღჭურვილობის და დიზაინის ნომერს აერთიანებს, ბურდულაძის თქმით, თავსებადია ზუგდიდის არქიტექტურასთან და გამოირჩევა მისი მდებარეობით. გარდა ამის აღნიშნა, რომ სასტუმროს ოპერირებისთვის 200-ზე მეტი სამუშაო ადგილია განსაზღვრული, სადაც ძირთადად ადგილობრივები იქნებიან დასაქმებული. პროექტის სრული საინვესტიციო ღირებულება 25 მილიონი ლარია. პრეზენტაციას მ²-ის პარტნიორი ორგანიზაციები, ზუგდიდის მერიის, საქართველოს მთავრობის, არასამთავრობო და ბიზნეს სექტორის წარმომადგენლები, საქართველოს ეროვნული ტურიზმის ადმინისტრაცია და მედიის წარმომადგენლები ესწრებოდნენ. წარდგენის შემდეგ, კი 18:00 საათზე მ² -ის ინიციატივით და ორგანიზებით სტეფანეს კონცერტი გაიმართება. რადიო "ათინათი" Website: http://radioatinati.ge/ Facebook:   / rado.atinati   Google+: https://plus.google.com/u/1/ Twitter:   / atinati1059   Instagram:   / radioatinati1059fm