ალექსანდრე მოწერელია: ყველა პროექტის გადაწყვეტა საზოგადობასთან განხილვის შემდეგ მოხდება

ზუგდიდში დეველოპერული კომპანია "მ² უძრავი ქონება" საერთაშორისო ბრენდის სასტუმროს პროექტის პრეზენტაციას სამეგრელო-ზემო სვანეთის გუბერნატორი ალქესანდრე მოწერელიაც ესწრებოდა. იგი მიესალმება ბრენდული სასტუმროს აშენებას, რომელიც მისივე თქმით ნამდვილად დაამშვენებს ქალაქს. აქვე აღნიშნა, ჯერ ზუგდიდის განაშენიანების გენერალური გეგმა უნდა შემუშავდეს, ხოლო შემდგომ მოხდეს მსგავსი პროექტების განხორციელება. "ნებისმიერი საერთაშორისო სასტუმროს მშენებლობა არის ძალიან მნიშვნელოვანი იმისათვის, რომ განვითარდეს ჩვენი რეგიონი განვითარდეს ტურიზმი, რომელსაც შეუძლია დიდი შემოსავალი მოუტანოს ჩვენს რეგიონს და ჩვენს მოსახლეობას. მთავარი საკითხი აქ არის ის, რომ ნებისმიერი დიდი პროექტის განხილვა უნდა ხდებოდეს გამჭვირვალედ და საჯაროდ, რომ არ დარჩეს კითხვები. ეს არის პროექტი, რომელსაც საზოგადოება ეთანხმება და ცენტრალური ხელისუფლება მხარს დაუჭერს ამ გადაწყვეტილებას. საზოგადოებას ყველა დაინტერესებულ პირს ეცნობება და მათთან მსჯელობის შემდეგ შევჯერდებით, თუმცა ამას ყველაფერს განსაზღვრავს ის გენერალური გეგმა, რომელიც უნდა შემუშავდეს. მოქალქეები რა თქმა უნდა დაინტერესებული არიან პირველ რიგში საკუთარი ქალაქის იერსახით შესაბამისად რაც უფრო გავალამაზებთ და რაც უფრო ბრენდული სასტუმროები აშენდება, ყველა იქნება მოხარული", - განაცხადა ალექსანდრე მოწერელიამ. ზუგდიდში სკეიტ პარკის ტერიტორიაზე, იუსტიციის სახლის უკან მ² სამსართულიანი სასტუმროს აშენებას გეგმავს. რადიო "ათინათი" Website: http://radioatinati.ge/ Facebook:   / rado.atinati   Google+: https://plus.google.com/u/1/ Twitter:   / atinati1059   Instagram:   / radioatinati1059fm