ქართული კულტურული პროგრამა ლონდონში

საქართველოს კულტურისა და ძეგლთა დაცვის სამინისტროში გაიმართა პრესკონფერენცია, საქართველოს კულტურისა და ძეგლთა დაცვის სამინისტროს მიერ ლონდონში გამართული ქართული კულტურული პროგრამის შესახებ. პრესკონფერენციას ესწრებოდნენ საქართველოს კულტურისა და ძეგლთა დაცვის მინისტრის მოადგილე ალექსანდრე მარგიშვილი, კ. მარჯანიშვილის სახელობის სახელმწიფო თეატრის მმართველი ეკატერინე მაზმიშვილი, დასის წევრები, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის დირექტორი გიორგი კალანდია. ბრიტანულ საზოგადოებაზე განსაკუთრებული შთაბეჭდილება მოახდინა ქართული ხალხური ტრადიციული ხელოვნების სხვადასხვა დარგის პრეზენტაციამ; დიდი გამოხმაურება მოჰყვა ქართული სუფრის წარდგენას, ქართულ მრავალხმიანობასა და ცეკვას, ექსპოზიციას, სადაც ეროვნული სამოსი, ღვინის ჭურჭელი, ხალხური რეწვის, ტექსტილის ნამუშევრები და სხვა უამრავი ექსპონატი გამოიფინა. როგორც დაგეგმილი იყო, შექსპირის თეატრში „გლობუსი" , კოტე მარჯანიშვილის სახელობის სახელმწიფო დრამატული თეატრი, 6-ჯერ წარსდგა სპექტაკლით „როგორც გენებოთ." http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045