საერთაშორისო ექსპედიცია ვარძიაში

2015 წელს საქართველოს ექნება ვარძიის ფრესკების დიაგნოსტიკური კვლევის სრული დოკუმენტაცია და უძველესი მხატვრობის გადარჩენისთვის ზუსტად განსაზღვრული მეთოდოლოგიური პროგრამა, რომელიც ვარძიის კედლის მხატვრობის სიცოცხლის გახანგრძლივების მყარი საფუძველი გახდება. ვარძიის მხატვრობის საკონსერვაციო-კვლევითი სამუშაოები კულტურული მემკვიდრეობის დაცვის ეროვნული სააგენტოს ინიციტივით და დაფინანსებით, ლონდონის კურტოს ხელოვენების ინსტიტუტის კედლის მხატვრობის სპეციალისტების (ექსპედიიციის ხელმძღვანელი პროფესორ დევიდ პარკი) და საქარველოს სამხატვრო აკადემიის რესტავრაციის ფაკულტეტის კურსდანმთავრებულებისა და სტუდენტების მონაწილეობით (ექსპედიიციის ხელმძღვანელი პროფესორი ნანა კუპრაშვილი) ხორციელდება. ლონდონის კურტოს ხელოვნების ინსტიტუტი 1932 წელს არის დაფუძნებული და 2011 წლის საუნივერსიტეტო საერთაშორისო გზამკვლევის შეფასებით პირველ ადგილზეა ხელოვნების კვლევისა და კონსერვაციის დარგში. კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკა ანთიძემ ადგილზე მოინახულა საერთაშორისო ექსპედიცია და მიმდინარე სამუშაოებს და ვარძიის ფრესკების დასკვნითი - 2015 წლის პროგრამის დეტალებს გაეცნო. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045