მინისტრმა „ევრიმაჟის“ დელეგაციას ოფიციალურ მიღებაზე უმასპინძლა

12 ოქტომბერს, კულტურის სამინისტროში, საქართველოს კულტურისა და ძეგლთა დაცვის მინისტრმა მიხეილ გიორგაძემ და ეროვნული კინოცენტრის დირექტორმა ნანა ჯანელიძემ „ევრიმაჟის“ დირექტორს რობერტო ოლას და დელეგაციის სხვა წევრებს ოფიციალურ მიღებაზე უმასპინძლეს. წელს საქართველო „ევრიმაჟის“ რიგით 140-ე სამუშაო შეხვედრის მასპინძელია. სწორედ საქართველოში გადაწყდება მსოფლიოს სხვადასხვა ქვეყნის მიერ „ევრიმაჟში“ წარმოდგენილი საკონკურსო პროექტების დაფინანსების საკითხი. ევრიმაჟის ინიციატივით, ოფიციალურ მიღებაზე გაიმართა პროფესიული პანელ-დისკუსია თემაზე – ქალთა გენდერული საკითხი კინოში – ქართველი რეჟისორი ქალების ფენომენი, მათი პროფესიული გზა და შეხედულება გენდერულ თანასწორობაზე. პანელ-დისკუსიაში მონაწილეობდნენ რეჟისორები: ლანა ღოღობერიძე, ნანა ჯორჯაძე, ქეთი მაჭავარიანი, რუსუდან ჭყონია. მოდერატორები: თამარ ტატიშვილი - ევრიმაჟში საქართველოს წარმომადგენელი და სანია რავიჩი - ევრიმაჟში ხორვატიის წარმომადგენელი. 12-16 ოქტომბერს თბილისს ევრიმაჟის წევრი ყველა ქვეყნის წარმომადგენელი ესტუმრება; გაიმართება დახურული სესია, სადაც გადაწყდება მსოფლიოს სხვადასხვა ქვეყნიდან ამ დროისთვის წარმოდგენილი პროექტების დაფინანსების საკითხი. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045