მიხეილ გიორგაძემ ბერლინალეს დირექტორს უმასპინძლა

12 ოქტომბერს, საქართველოს კულტურისა და ძეგლთა დაცვის სამინისტროში, მინისტრმა მიხეილ გიორგაძემ ბერლინის საერთაშორისო კინოფესტივალის დირექტორს დიტერ კოსლიკს უმასპინძლა. შეხვედრას ეროვნული კინოცენტრის დირექტორი ნანა ჯანელიძე, „ევრიმაჟში“ საქართველოს წარმომადგენელი თამარ ტატიშვილი და ბერლინალეს კავკასიის რეგიონის სელექტორი ნიკოლაი ნიკიტინიც ესწრებოდნენ. მხარეებმა ქართული ფილმების წარმატებისა და სამომავლო თანამშრომლობის შესახებ იმსჯელეს. ბერლინალეს დირექტორი თბილისს 2 დღიანი სამუშაო ვიზიტით ეწვია, რომლის ფარგლებშიც შეხვედრებს გამართავს კინოცენტრის წარმომადგენლებთან. დიტერ კოსლიკი ბერლინალეს დირექტორის პოსტზე 2001 წელს დაინიშნა და დღეისთვის ის ევროპული კინოს ერთ-ერთ ყველაზე გავლენიან ფიგურად ითვლება. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045