თამთა ცხვიტავა სტრასბურგში

სტრასბურგის საშობაო ბაზრობის კულტურული პროგრამა გრძელდება. მომღერალი თამთა ცხვიტავა სტრასბურგში, ოპერის მცირე დარბაზში, სოლოკონცერტს გამართავს. მომღერალი 6-კაციან ბენდთან ერთად წარდგება მაყურებლის წინაშე, სადაც შეასრულებს სიმღერებს თავისი პირველი ალბომიდან "დასაწყისი", ასევე უცხოურ ქავერებს. კულტურული პროგრამა გაგრძელდება. კონცერტებს ასევე გამართავენ პიანისტი ხატია ბუნიათიშვილი, ჯაზმენი ბექა გოჩიაშვილი ამერიკელ მუსიკოსებთან ერთად, წარმოდგენებს გამართავენ პანტომიმისა და თითების თეატრები, შედგება ფოტოგრაფთა ექსპოზიცია, საბავშვო პროგრამა "თიხიანი ხელები" და მოეწყობა ქართული კინოჩვენებები. წელს სტრასბურგის საშობაო ბაზრობაზე, რომელსაც ყოველწლიურად 4 მილიონი სტუმარი ჰყავს, საქართველოს პირველად მიეცა საშუალება მსოფლიოსთვის თავისი კულტურა, კულინარია და ტრადიციები გაეცნო. ქართული კულტურული პროგრამა 24 ნოემბერს ანსამბლ "სუხიშვილების" კონცერტით გაიხსნა. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045