#მოამბე 21 საათზე, პირველი ივლისი, 2021 #LIVE

• ლგბტქ თემმა ღონისძიებების აღნიშვნა დღეიდან დაიწყო - „პრაიდის“ ორგანიზატორები, სახალხო დამცველი და არასამთავრობო ორგანიზაციების ნაწილი უსაფრთხოების დაცვას ითხოვენ, ხელისუფლება კი აცხადებს, რომ ქვეყანაში სიტყვისა და გამოხატვის თავისუფლება დაცულია • ნატო-ს სამხედრო წვრთნები და რუსეთის სამხედრო თამაშები შავ ზღვაში - რეგიონში ვითარება უკიდურესად დაძაბულია; რუსეთი წვრთნებს პროვოკაციად აფასებს, ალიანსი კი შავი ზღვის უსაფრთხოებაზე საუბრობს და უკან დახევას არ აპირებს • სათამაშოების ხარისხზე კონტროლი მკაცრდება - კვლევაში ჩართული ბავშვების 60%-ს ტყვიის მაღალი შემცველობა დაუდგინდა, რაც სპეციალისტების მტკიცებით, მოზარდის გონებრივ და ფიზიკურ განვითარებას აფერხებს, მეტალით ინტოქსიკაციის ერთ-ერთი ძირითადი გამომწვევი კი უხარისხო სათამაშოებია • გრემის მთავარანგელოზთა ტაძარში ქართველი მეფის, ლევან ბაგრატიონის აკლდამა იპოვეს - აკლდამა გაძარცულია, თუმცა სამარხში ნეშტთან ერთად მე-16 საუკუნით დათარიღებული ნაკეთობაც აღმოჩნდა; შთამომავლობის მიერ ლევან დიდად წოდებული მეფის ნეშტის კვლევა სპეციალიზირებულ ლაბორატორიებში ჩატარდება ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.