MOE: მინისტრი ხათუნა გოგალაძე ოფიციალური ვიზიტით საფრანგეთში იმყოფება

http://moe.gov.ge/index.php?lang_id=G... ქართული დელეგაცია გარემოსა და ბუნებრივი რესურსების დაცვის მინისტრის ხათუნა გოგალაძის ხელმძღვანელობით საფრანგეთის დედაქალაქ პარიზში ოფიციალური ვიზიტით იმყოფება, სადაც ტრანსპორტის, ჯანდაცვისა და გარემოს დაცვის საკითხებთან დაკავშირებული საერთაშორისო ფორუმი გაიხსნა. ფორუმზე ხათუნა გოგალაძე მთავარ გამომსვლელად იყო მიწვეული. მინისტრმა საკუთარ გამოსვლაში ყურადღება გაამახვილა საქართველოში არსებულ მდგომარეობაზე და დეტალურად ისაუბრა, თუ რა გავლენა აქვს ტრანსპორტს ადამიანის ჯანმრთელობასა და გარემოზე. გარემოსა და ბუნებრივი დაცვის მინისტრთან ერთად აღნიშნულ პანელზე გამომსვლელთა შორის იყვნენ გაეროს ევროპის ეკონომიკური კომისიის და მსოფლიო ჯანდაცვის ორგანიზაციის ევროპის რეგიონული ოფისის ხელმძღვანელები. ხვალ პარიზში, ოფიციალურად გაიხსნება მინისტერიალი, სადაც მსოფლიოს 56 ქვეყნის დელეგატები მიიღებენ მონაწილეობას. ხათუნა გოგალაძე მინისტერიალზე სიტყვით გამოვა. ოფიციალური ვიზიტის ფარგლებში საქართველოს გარემოსა და ბუნებრივი რესურსების დაცვის მინისტრი ავსტრიელ კოლეგას ანდრა ბუპრეხტერსაც შეხვდება.