გალში მცხოვრებლები არჩევნებში მონაწილეობის მისაღებად აქტიურად გადმოდიან

გალის რაიონის სოფლების მოსახლეობა საპრეზიდენტო არჩევნებზე მონაწილეობას ღებულობს. ისინი ენგურის ხიდით დილიდან აქტიურად გადმოდიან. ადგილობრივები რადიო "ათინათთან" საუბარში ამბობენ, რომ "საზღვრის" გადმოსვლისას პრობლემა არ ჰქონიათ, თუმცა გამშვები პუნქტიდან, საქართველოს კონტროლირებადი ტერიტორიაზე გადმოსვლა ფეხით უწევთ. მათი თქმით, დღეს ენგურის ხიდზე მხოლოდ ერთი - გაეროს მიერ დანიშნული მიკროავტობუსი მოძრაობს. "დილით გადმოვედი ფეხით, იქითაც ასე მივდივარ. არჩევნებზეც მივიღე მონაწილეობა. იქიდან არანაირი შეზღუდვა არ არის, თუმცა აქ მხოლოდ ერთი მარშუტკა მოძრაობს, რომელიც უფასო არის. მის ლოდინს ფეხით დროულად გადასვლა გვირჩევნია", - თქვა მურთაზ გადელიამ. გადმომსვლელების დიდმა ნაწილმა, რომელბმაც სახელის და გვარის დასახელება არ ისურვეს, ამბობენ, რომ კერძო მიკროავტობუსები არჩევნების გამო არ მუშაობენ. "დილით გადმოვედი, აფხაზეთის საგუშაგოსთან ვიკითხე რატომ არ დადიან მარშუტკები-მეთქი. იქ მითხრეს ალბათ არჩევნების გამოო. სწორედ ამ არჩევნების გამო გადმოვედი დღეს", - ამბობს ოკუპირებულ აფხაზეთის მკვიდრი. საქართველოში დღეს საპრეზიდენტო არჩევნები იმართება. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/ Twitter: https://twitter.com/Atinati1059 Instagram: https://www.instagram.com/radioatinat..