შეიარაღებული დაპირისპირება სომხეთ-აზერბაიჯანის საზღვარზე

სომხეთ-აზერბაიჯანის საზღვარზე ვითარება ამ წუთებშიც დაძაბულია. ბოლო მონაცემებით, დაპირისპირების შედეგად დაღუპულია 4 აზერბაიჯანელი სამხედრო, დაშავებულები არიან ორივე  მხარეს. სომხეთ-აზერბაიჯანის საზღვარზე  დაპირისრიება გუშინ დაიწყო. პროვაკაციული ქმედებების დაწყებაში მხარეები ერთმანეთს ადანაშაულებენ. აზერბაიჯანის საგარეო საქმეთა სამინისტროს განცხადებით, სომხეთმა ქვეყნებს შორის საზღვარზე, თოვუზის მიმართულებით ცეცხლი ტერიტორიების ხელში ჩაგდების მიზნით გახსნა. სომხეთი კი თავის მხრივ, 12 ივლისს მომხდარ დაპირისპირებაზე პასუხისმგებლობას აზერბაიჯანს აკისრებს. ქვეყნის საგარეო საქმეთა სამინისტროს ოფიციალურ განცხადებაში ნათქვამია, რომ აზერბაიჯანის შეიარაღებულმა ძალებმა არტილერიის გამოყენებით სომხეთის საგუშაგოებზე თავდასხმა სცადეს. სომხეთის ადგილობრივმა მედიამ გაავრცელა ინფორმაცია, რომ სომხეთის სამხედრო ძალებმა აზერბაიჯანის უპილოტო საფრენი აპარატი ჩამოგდეს. აზერბაიჯანის თავდაცვის უწყების განცხადებით კი ეს ინფორმაცია რეალობას არ შეესაბამება და აზერბაიჯანის სამხედრო ძალების კუთვნილებაში მყოფი ყველა უპილოტო საფრენი ადგილზეა. ვიდეოკადრები აზერბაიჯანული მედიის მიერაა გავრცელებული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.