დაპირისპირება სომხეთ-აზერბაიჯანის საზღვარზე

საქართველოდან 300 კილომეტრში, აზერბაიჯან-სომხეთის სასაზღვრო ზოლში ამ წუთებშიც დაძაბულობაა. ცეცხლის შეწყვეტის შეთანხმება კიდევ ერთხელ დაირღვა. ამჯერად ცხელი წერტილი თოვუზის რეგიონია, სადაც შეიარაღებული დაპირისპირება დაიწყო. არის მსხვერპლი. სიტუაციის დეესკალაციისკენ საერთაშორისო მოწოდებების ფონზე ორივე ქვეყნიდან ერთმანეთის მისამართით მუქარის შემცველი განცხადებები ისმის, მხარეები ცეცხლის გახსნაზე და თავდასხმებზე პასუხისმგებლობას ერთმანეთს აკისრებენ. მთიანი ყარაბაღის სადავო ტერიტორიის გამო ერთმანეთთან დაპირისპირებულ ორ ქვეყანას შორის სიტუაცია პერიოდულად მწვავდება. წლების შემდეგ ეს არის პირველი შემთხვევა, როდესაც შეტაკებებმა მასშტაბური ხასიათი მიიღო. ბოლო მონაცემებით შეტაკებების შედეგად ოთხი აზერბაიჯანელი სამხედრო დაიღუპა, დაჭრილები არიან ორივე მხარეს. სომხეთის პრემიერ-მინსიტრის განსკუთრებული კრიტიკა დღეს თურქეთის პოზიციას მოჰყვა, რომელმაც აზერბაიჯანს მხარი ღიად დაუჭირა.  ქვეყნებს თავშეკავებისკენ მოუწოდა რუსეთმა და მზადყოფნა გამოთქვა მხარეებს ვითარების დეესკალაციაში დაეხმაროს. შეიარაღებული დაპირისპირების შეწყვეტას სთხოვს სომხეთსა და აზერბაიჯანს ევროკავშირიც. მეზობელი ქვეყნების საზღვარზე არსებული დაძაბულობის ფონზე,  მხარეებს მშვიდობიანი მოლაპარაკებებისკენ მოუწოდებს საქართველოს პრეზიდენტი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.