ვითარება სომხეთ-აზერბაიჯანის საზღვარზე

2020 წლის შემდეგ ყველაზე მასშტაბური დაპირისპირება სომხეთ-აზერბაიჯანის საზღვრის გასწვრივ. ორივე მხარეს მსხვერპლია. ვითარების ესკალაციაში მხარეები ერთმანეთს ადანაშაულებენ. ვაშინგტონიდან, ბრიუსელიდან და მოსკოვიდან ორივე ქვეყანას ძალადობის შეწყვეტისკენ და პრობლემის დიპლომატიური გზით მოგვარებისკენ მოუწოდებენ. ბაქოში ჩავიდა აშშ-ის სახელმწიფო მდივნის თანაშემწე. ვაშინგტონში არ გამორიცხავენ, რომ სომხეთსა და აზერბაიჯანს შორის სიტუაციის დაძაბვა რუსეთის ინტერესებში შედის, რათა მსოფლიო თანამეგობრობამ უკრაინის ომიდან ყურადღება სხვაგან გადაიტანოს. ერევანსა და ბაქოში ევროკავშირის სპეციალურ წარმომადგენელსაც ელოდებიან. სომხეთის მოთხოვნით, უკვე შედგა კოლექტიური უსაფრთხოების ხელშეკრულების ორგანიზაციის საგანგებო სხდომა. შეიკრიბა ეუთო-ს მუდმივმოქმედი საბჭოც, სომხეთ-აზერბაიჯანის საზღვრის გასწვრივ არსებულ დაძაბულ სიტუაციაზე გაერო-ს უშიშროების საბჭოს სხდომაც ჩანიშნეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.