ვითარება სომხეთ-აზერბაიჯანის საზღვარზე

საზღვარზე ინტენსიური შეტაკებების შემდეგ, სომხეთსა და აზერბაიჯანს შორის ცეცხლის შეწყვეტის რეჟიმი აღდგა – ინფორმაციას ამის შესახებ აზერბაიჯანული მედია ავრცელებს. საკითხზე სომხურ მხარეს კომენტარი ჯერ-ჯერობით არ გაუკეთებია. სომხეთის თავდაცვის უწყებაში აღნიშნავენ, რომ ამჟამად სიტუაცია საზღვარზე შედარებით სტაბილურია. სომხეთისა და აზერბაიჯანის საზღვარზე შეტაკებები შუაღამისას დაიწყო და მთელი ღამის განმავლობაში გრძელდებოდა. ვრცელდება ინფორმაცია ათობით დაღუპულისა და დაშავებულის შესახებ. მხარეები ესკალაციაზე პასუხისმგებლობას ერთმანეთს აკისრებენ. სომხეთი აზერბაიჯანს დასახლებებისა და სამოქალაქო ინფრასტრუქტურის მისამართით ცეცხლის გახსნაში სდებს ბრალს, რასაც აზერბაიჯანული მხარე უარყოფს. აზერბაიჯანის თავდაცვის სამინისტრო სომხეთის შეიარაღებული ძალების დივერსიულ ჯგუფებს, აზერბაიჯანის არმიის პოზიციებისთვის ცეცხლის გახსნაში და სასაზღვრო რაიონების დანაღმვაში ადანაშაულებს. ერევანიც და ბაქოც ურთიერთბრალდებებს უარყოფს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.