მთიან ყარაბაღში დაპირისპირება გრძელდება / ქვეყნის ეპიდვითარება და პროტესტი აჭარაში #LIVE

• მთიან ყარაბაღში ვითარება კვლავ მწვავეა - საომარი მოქმედებების არეალი ორი ქვეყნის საზღვრებს გასცდა და ჭურვები ირანის ტერიტორიაზეც ჩამოვარდა; სომხეთ-აზერბაიჯანის ლიდერთა რიტორიკა უცვლელია; საერთაშორისო საზოგადოების მოწოდების მიუხედავად მხარეები დაზავებას არ აპირებენ • წითელ ზონად გამოცხადებულ აჭარაში ადგილობრივებმა ეპიდემიის გამო დაწესებული შეზღუდვები ქუჩაში გააპროტესტეს, თუმცა რეგიონის ეპიდსურათი შეზღუდვების მოხსნის შესაძლებლობას არ იძლევა; თბილისის ინფექციური საავადმყოფოს ხელმძღვანელი პირველად საუბრობს იმ მიზეზებზე, რის გამოც გადადგომას აპირებდა; ინფიცირების ახალი კერები ქვეყნის მასშტაბით და სპეციალისტთა შეფასებები • ევროკავშირი საქართველოს პარლამენტის მიერ 30 სექტემბერს დამტკიცებულ კანონს ეხმიანება - ახალი კანონი „საერთო სასამართლოების შესახებ“, არსებითი პუნქტები, ევროკავშირის საგარეო ქმედებათა სამსახურის შეფასება და ქართული პოლიტიკური სპექტრის განცხადებები • დედაქალაქის ცენტრალურ უბანში, ყოფილი იპოდრომის ტერიტორიაზე ყველაზე დიდი რეკრეაციული სივრცე - ცენტრალური პარკი გაშენდება; წლების განმავლობაში მიტოვებულ 36 ჰექტრამდე ტერიტორიაზე გაჩნდება ხელოვნური ტბები, იაპონური და ფრანგული ბაღები, ამფითეატრი, საგანმანათლებლო ცენტრი, სპორტულ-გასართობი მოედნები და სატყეო ზონები. პარკის მშენებლობა უახლოეს დღეებში იწყება; ხარჯებს ფონდი „ქართუ“ დაფარავს ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.