ფარშირებული ბულგარული | შეფი ლევან კობიაშვილი

მარტივი და გემრიელი რეცეპტი ჩვენი ერთგული მაყურებლებისთვის.
მოიმარაგეთ ინგრედიენტები და მოამზადეთ ჩვენთან ერთად.
არ დაგავიწყდეთ არხის გამოწერა, ვიდეოს დალაიქება და ზარის ღილაკის გააქტიურება.

#ბულგარული #ფარში #ყველი

გამოგვყევი:
instagram:   / ​​  
facebook:   / chef.cave​​  
tiktok: https://www.tiktok.com/@chefcave?​​​
__________________________________

საქონლის და ღორის ფარში
ხახვი
ნიორი
დაღერღილი წიწაკა
ქინძი
ოხრახუში
პომიდვრის სოუსი
ბულგარული წიწაკა
ქონდარი
ქინძის სუნელი
უცხო სუნელი
ყველი

ხორცის მანქანაში გამოვატაროთ ერთი ცალი ხახვი, 3 კბილი ნიორი, ცოტაოდენი მწვანილები, დაღერღილი წიწაკა და ორივე სახის ფარში და კარგად. გადავურიოთ ერთმანეთში. დავუმატოთ სუნელები გემოვნებით. ფარშის შიგთავსი მზადაა.

გადავიდეთ ბულგარულების მომზადებაზე. წიწაკა გავჭრათ შუაზე და ამოვუღოთ გული და გამოვტენოთ შიგთავსით და შევდგათ ღუმელში 180 გრადუსზე 40 წუთით.
დაახლოებით 5 წუთით ადრე ფარშით გამოტენილ წიწაკებს ზემოდან დავადოთ ყველის ფირფიტები და 5 წუთში კერძი მზადაა.

ამასობაში მოვამზადოთ სოუსი. დავჭრათ ოხრახუში, ხახვი, ნიორი და სტაფილო წვრილად. მოვთუშოთ კარაქთან და ზეთთან ერთად. შემდეგ დავუმატოთ პომიდვრის სოუსი და ცოტაოდენი მარილი. ბოლოს კი სუნელები გემოვნებით. სტაფილოს დარბილების შემდეგ სოუსი დავაბლენდეროთ. დავაბრუნოთ გაზქურაზე და ერთხელ კიდევ წამოვადუღოთ.
კერძი მზადაა. გემრიელად მიირთვით.