MOE: საქართველოსა და შვედეთს შორის თანამშრომლობის შესახებ შეთანხმება გაფორმდა

http://moe.gov.ge/index.php?lang_id=G... ფინანსთა სამინისტროში, საქართველოსა და შვედეთს შორის, 2014-2020 წლებისთვის თანამშრომლობის განვითარების შესახებ შეთანხმება გაფორმდა. ღონისძიებას საქართველოს გარემოსა და ბუნებრივი რესურსების დაცვის მინისტრი ხათუნა გოგალაძე, საქართველოს ფინანსთა მინისტრი ნოდარ ხადური და შვედეთის საერთაშორისო განვითარების თანამშრომლობის სააგენტოს (SIDA) გენერალური დირექტორი შარლოტ პეტრი გორნიცკა დაესწრნენ. შეთანხმების მიზანია თანამშრომლობა შემდეგი მიმართულებებით: -ევროკავშირში ეკონომიკური ინტეგრაციის გაძლიერება და ფუნქციონირებადი საბაზრო ეკონომიკის განვითარება; -გარემოს გაუმჯობესება, გარემოზე ზეგავლენის შემცირებით და მდგრადობის გაძლიერება გარემოს ზემოქმედებაზე და კლიმატის ცვლილებაზე; -დემოკრატიის გაძლიერება, ადამიანის უფლებათა პატივისცემა და სახელმწიფოს განვითარება კანონის უზენაესობის ფარგლებში; აღსანიშნავია, რომ შვედეთი და მათ შორის სიდა (SIDA), საქართველოსთვის ძალიან მნიშვნელოვანი და საიმედო პარტნიორია, რომელთანაც ქვეყანას წარმატებული თანამშრომლობა აკავშირებს.