მადლით გადარჩენა მხოლოდ იესო ქრისტეს რწმენით და არა ჩვენი კეთილი საქმეების აღსრულებით

ტიტეს მიმართ 3:5_7 მან გვიხსნა არა ჩვენს მიერ აღსრულებულ კეთილ საქმეთა გამო, არამედ თავისი წყალობით, ხელახლა შობის განბანითა და სული წმიდის მიერ განახლებით, რომელიც უხვად მოგვფინა ჩვენი მაცხოვრის იესო ქრისტეს მიერ, რათა მისი მადლით გამართლებულთ სასოებისამებრ დაგვემკვიდრებინა საუკუნო სიცოცხლე. გალატელთა მიმართ 2:16 მაგრამ რაკიღა გავიგეთ, რომ კაცი რჯულის საქმეთაგან როდი გამართლდება, არამედ იესო ქრისტეს რწმენით, ჩვენც ვირწმუნეთ იესო ქრისტე, რათა ქრისტე იესოს რწმენით გავმართლდეთ და არა რჯულის საქმით, რადგანაც რჯულის საქმით ვერ გამართლდება ვერცერთი ხორციელი. თუ გამართლება რჯულის საქმეების აღსრულებაშია, მაშინ ამაოდ მომკვდარა ქრისტე, ვინაიდან თუ ქრისტე არ მოკვდებოდა რჯულის დაცვით ვერცერთი ხორციელი ვერ გამართლდებოდა ღვთის წინაშე, რადგან აუცილებელი იყო გამოსყიდვა ცოდვისგან, ხოლო ცოდვილი ბუნება ცოდვისგან თავს რჯულის დაცვით ვერ დააღწევდა თუ არ მოვიდოდა აღთქმული მესია რომელიც შეარიგებდა კაცობრიობას მამა ღმერთთან. მეორე კორინთელთა მიმართ 3:5_6 იმიტომ კი არა, ვითომ შეგვეძლოს ჩვენით ვიაზრებდეთ რამეს, თითქოს ღვთისაგან კი არა, ჩვენგანვე გვქონდეს ამის უნარი; არა, ღმერთმა მოგვცა იმისი ძალა, რომ ახალი აღთქმის მსახურნი ვიყოთ; არა ასოსი, არამედ სულისა, ვინაიდან ასო კლავს, ხოლო სული აცოცხლებს. მეორე კორინთელთა მიმართ 3:3 თქვენ ცხადყოფთ, რომ ქრისტეს წერილი ხართ, ჩვენი მეშვეობით შეთხზული და მელნით კი არა, ცოცხალი ღვთის სულით დაწერილი, არა ქვიფილაზე, არამედ ხორციელი გულის ფიცარზე.