ესაია წინასწარმეტყველი - ჩემს დიდებას არ მივცემ სხვას და ჩემს ქებას გამოქანდაკებულ კერპებს (42:8).

ესაია წინასწარმეტყველი 30:18 მაინც სურს უფალს თქვენი შეწყალება და მაინც აღდგება თქვენს შესაბრალებლად, რადგან სამართლის ღმერთია უფალი יְהוָה, (ადონაი), ნეტარია ყოველი მისი მოესავი. ესაია წინასწარმეტყველი 38:18 რადგან შავეთი არ გმადლობს შენ, სიკვდილი არ დაგიწყებს დიდებას, ქვესკნელში ჩამავალთ აღარა აქვთ შენი სიმტკიცის იმედი. ესაია წინასწარმეტყველი 42:8 მე ვარ უფალი יְהוָה, (ადონაი) ეს არის ჩემი სახელი; ესაია წინასწარმეტყველი 44:6-7 ასე ამბობს უფალი, ისრაელის მეუფე და მისი მხსნელი, ცაბაოთ უფალი: მე ვარ პირველი და მე ვარ უკანასკნელი, და ჩემს გარდა არ არის ღმერთი. ვინ არის ჩემი მსგავსი? თქვას და გამოაცხადოს, გადმომილაგოს, რა მოხდა მას შემდეგ, რაც ძველი ხალხი დავამკვიდრე; გამოუცხადონ მომავალი და მოწევნადი. ესაია წინასწარმეტყველი 46:9-10 გაიხსენეთ წინანდელნი, დასაბამიერნი, რადგან მე ღმერთი ვარ და არ არის სხვა ღმერთი, არავინაა ჩემი მსგავსი. დასაბამითვე ვაცხადებ მომავალს და ძველიდანვე, რაც ჯერ არ მომხდარა. ვამბობ: აღსრულდება ჩემი განზრახული და ყოველ სურვილს ავასრულებ.