მერისა და ოპოზიციის წარმომადგენლების შეხვედრა უშედგეოდ დასრულდა

ზუგდიდში გარემოვაჭრეების საპროტესტო აქცისთან დაკავშირებით, "ევროპული საქართველოს" და "ნაციონალური მოძრაობის" წარმომადგენლები ლაშა გოგიას შეხვდნენ. მათ მიაჩნიათ, რომ მერიამ გარევაჭრობის რეგულირების წესი, რომელიც გასულ წელს დამტკიცდა, უნდა გადახედოს, რადგან ის მხოლოდ ერთ კონკრეტულ ადგილს ეხება. ენმ-ს ადგილობრივი ორგანიზაციის თავჯდომარის ანა წითლიძის ცნობით, მერი აღნიშნული რეგულაციის გადახედვას არ აპირებს და არც გარევაჭრობის დაშვებას გეგმავს. "მუნიციპალიტეტის მერს და საკრებულოს თავმჯდომარეს გავაცანით გარემოვაჭრეების და ჩვენი პოზიცია. ვითხოვთ, რომ შეიცვალოს გარევაჭრობის წესი და ის მთლიანად დარეგულირდეს ქალაქში. მოქმედი წესი უსამართლოა, რადგან ის ეხება მხოლოდ ამ ხალხს... ჩვენ ბოლომდე დავდგებით მოვაჭრეების გვერდით", - აღნიშნა წითლიძემ. "ევროპული საქართველოს" წევრი ბათლომე შელია მიიჩნევს, რომ ადგილობრივ ხელისუფლებას საკითხისადმი შერჩევითი მიდგომა აქვს. "ყველა ვთანხმდებით, რომ გარევაჭრობა მოსაწესრიგებელია, მაგრამ არა გარკვეული პირების ბიზნეს ინტერესებისა და ამ ხალხის გაუბედურების ხარჯზე", - თქვა ბათლომე შელიამ. გარემოვაჭრეები მერიის შენობასთან აქციებს დილიდან მართავენ. მათ შენობაში შეჭრა რამდენჯერმე სცადეს, თუმცა ამის საშუალება მათ სამართალდამცავებმა არ მისცეს. რადიო "ათინათი" Website: http://radioatinati.ge Facebook:   / rado.atinati   Google +: https://plus.google.com/u/0/116211701... Twitter: https://twitter.com/