MOE: თბილისის ზოოპარკში ერთობლივი გამწვანების აქცია გაიმართა

http://moe.gov.ge/index.php?lang_id=G... საქართველოს გარემოსა და ბუნებრივი რესურსების დაცვის მინისტრმა ხათუნა გოგალაძემ და თბილისის ზოოპარკის დირექტორმა ზურაბ გურიელიძემ ზოოპარკის ტერიტორიაზე ტუიას ნერგები დარგეს. გამწვანების საქველმოქმედო აქცია, ზოოპარკის ტერიტორიის ავტომაგისტრალისგან ცოცხალი ღობით გამიჯვნას ისახავს მიზნად. პრემიერის ინიციატივის ფარგლებში „მწვანე მომავალი" საქართველოს გარემოსა და ბუნებრივი რესურსების დაცვის სამინისტრომ ზოოპარკს საჩუქრად ტუიას 500 ნერგი გადასცა. ცოცხალი ღობის შესაქმნელად ტუია სპეციალურად შეირჩა. წიწვოვანი ბუჩქები მწვანე და ლამაზ ბარიერს შექმნის, რაც გარკვეულწილად ცხოველების ვოლიერებს მტვრისა და ხმაურისგანაც დაიცავს. საქართველოს გარემოსა და ბუნებრივი რესურსების დაცვის სამინისტროს, სხვადასხვა კომპანიებისა („ორიფლეიმ ჯორჯია", „თი ბი სი" ბანკი, „საქართველოს ნავთობისა და გაზის კორპორაციის" თანამშრომლები, „ენერგოეფექტურობის ცენტრი საქართველო", „ჯეპრა") და აქციაში ჩართული ფიზიკური პირების დახმარებით, ტერიტორიის გამწვანებისთვის აუცილებელი ნერგების საჭირო რაოდენობის მოგროვება მოხერხდა.