„პატრიოტთა ალიანსის“ ზუგდიდელი წევრი: ლგბტ და კოლგოტიანი მამაკაცების აქციას არ ვემხრობით

11.07.2019 01:27

Radio Atinati

არხი

ზუგდიდის ცენტრალური მოედნის მიმდებარედ „პატრიოტთა ალიანსის“ ადგილობრივი ორგანიზაციის წევრებმა ლგბტქი თემისა და რუსტთავი-2-ის წინააღმდეგ აქცია გამართეს. შეკრებილებმა ჟურნალისტის გიორგი გაბუნიას მიერ რუსეთის ფედერაციის პრეზიდენტის ვლადიმერ პუტინის მისამართით გინება გააპროტესტეს. აქციის მონაწილეები მიიჩნევენ, რომ აღნიშნული მიმართვა ოკუპანტ ქვეყანას ომის დაწყებისკენ უბიძგებს. „გაბუნიას მივმართავ, ომი რომ დაიწყოს და მართლა შემოვიდეს ის ოკუპანტი რუსი, თქვენ სად წახვალთ? ხომ დაიმალებათ ვირთხებივით?! იმ ომს კი შეეწირება ახალგაზრდა ბიჭები. ჩვენ, ქართველები სტუმართმოყვარე ერი ვართ, ამით ვამაყობდით და უნდა ვიამაყოთ მომავალშიც. მტერი კი არა შვილის მკვლელი, რომ იყოს ნორმალური ვაჟკაცი არ შეურაცხყოფს მიცვალებულს და მსგავს სიწმინდეებს“, - თქვა შავლეგ თოდუამ, რომელიც ზუგდიდის მერის ბოლო არჩევნებზე "პატრიოტთა ალიანსიდან" კენჭს იყრიდა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: