აქციები და მსვლელობა რუსთაველზე

07.11.2018 05:40

პირველი არხი Georgian Public Broadcaster

არხი

ორი აქცია საერთო ლოზუნგით: „არა ნაციონალურ მოძრაობას“. რუსთაველის გამზირზე დღეს ყოფილი მმართველი პარტიის მმართველობის წლები გაიხსენეს. „მე ვიცავ თავისუფლებას“ - ამ ლოზუნგით რუსთაველის თეატრთან შეკრებილებს ორი გზავნილი ჰქონდათ: საპრეზიდენტო არჩევნების მეორე ტურში აქტიურობა და ხელისუფლებაში „ნაციონალების“ დაბრუნების არდაშვება. მსგავსი მოწოდებები ისმოდა ოპერის თეატრთანაც, სადაც წინა ხელისუფლების მიერ დაზარალებული მოქალაქეები და საზოგადოების სხვადასხვა სფეროს წარმომადგენლები 2007 წლის 7 ნოემბრის ტრაგიკული მოვლენების გასახსენებლად მივიდნენ. ორი მშვიდობიანი აქციის მონაწილეები დღის ბოლოს შეერთდნენ და სიმბოლური მსვლელობა მოაწყვეს გზაზე, რომელიც 11 წლის წინ დარბეული აქციის მონაწილეებმა გაიარეს. სიტყვით გამოსვლებს თამუნა წიკლაური ისმენდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: