MOE: ფესტივალი ,,თუშეთობა 2012''

http://moe.gov.ge/index.php?lang_id=G... 7-8 ივლისს დაცული ტერიტორიების საგენტოს და ახმეტის მუნიციპალიტეტის ორგანიზებით "თუშეთობა 2012'' გაიმართა. ფესტივალი გარემოს დაცვის მინისტრმა გოგა ხაჩიძემ, საქართველოს პარლამენტის წევრმა პეტრე ცისკარიშვილმა და დაცული ტერიტორიების სააგენტოს თავმჯდომარემ გიორგი შონვაძემ გახსნეს. "თუშეთობა 2012'' -ის ფარგლებში, პირველ დღეს, ჯომარდობაში თუშეთის თასი გათამაშდა, ასევე გაიმართა თუშური ტრადიციული თამაშობები, რომლის გამარჯვებულები სპეციალური პრიზებით დაჯილდოვდნენ. მთელი დღის განმავლობაში სტუმრებს შეეძლოთ დაეგემოვნებინათ თუშური სამზარეულო. გაიმართა ტრადიციული თუშური გამოფენა, წარმოდგენილ იქნა პარაპლანით გადმოხტომის ახალი სერვისი თუშეთის ეროვნულ პარკში. საღამოს მოძრაობის თეატრმა ცეცხლოვანი შოუ გამართა, რომელიც ჯგუფ "მგზავრების'' კონცერტით გაგრძელდა. პირველი დღის ღონისძიება სპეციალურად მოწვეულმა DJ-ეებმა დაასრულეს. ფესტივალის მეორე დღეს წარმოდგენილი იყო ადგილობრივი ფოლკლორული ანსამბლები და ხელნაკეთი ნივთების გამოფენა-გაყიდვა. სპეციალურად მოწყობილ ფაცხაში სტუმრებს საშუალება ჰქონდათ თავად მიეღოთ მონაწილეობა თუშური კერძების მომზადებაში. საღამო დაასრულა ლატვიის ფოლკლორულმა ანსამბლმა "ზეპერი''. თუშეთობის ფესტივალს საფუძველი 2009 წელს ჩაეყარა და იგი ყოველწლიურად იმართება. ფესტივალის მიზანია ეკონომიკური შემოსავლების ზრდა და ეკოტურისტული პოტენციალის და შესაძლებლობების წარმოჩენა.