გათავისუფლებული თანამშრომლები მუნიცილალიტეტის გამგეობას ნეპოტიზმში ადანაშაულებს

ზუგდიდის გამგეობის საზოგადოებასთან სამსახურის ყოფილმა უფროსმა მაია ღურწკაიამ თანამოაზრეებთან ერთად ბრიფინგი გამართა. ისინი სამსახურიდან მათ გათავისუფლებას უკანონობას უწოდებენ და საატესტაციო კომისიას სხდომის ოქმების გაყალბებაში ადანაშაულებენ. მაია ღურწკაიამ ჩატარებულ ატესტაციას ფარსი უწოდა. მისი თქმით, მუნიციპალიტეტის გამგეობა გვერდს უვლის კონკურსის ორ ეტაპს და თანამდებობებზე მოვალეობის შემსრულებლებს მხოლოდ გასაუბრების საფუძველზე დანიშნავს. „ეს არის ნეპოტიზმი, ეს არის პოლიტიკური ნიშანი. მათ მოჰყავთ თავიანთი ნათესავები ჩვენს თანამდებობზე და მოჰყავთ ის ადამიანები, ვინც ჰყავდათ მათ პარტიაში დასაქმებული“, - განმარტა ღურწკაიამ. მათ ბრალდებებს გამგებლის მოადგილემ და საატესტაციო კომისიის ხელმძღვანელმა მამუკა წოწერიამ ყველა ბრალდება უარყო და განაცხადა, რომ საჯარო სამსახურის კანონი იძლევა საშუალებას, ადამიანები გასაუბრების საფუძველზე დანიშნოს. მისი თქმით, ამით ხარჯებიც შემცირდა. „ერთადერთი კრიტერიუმი სამსახურში აყვანის იყო პროფესიული და პიროვნული თვისებები... არანაირი ნეპოტიზმი და პოლიტიკური საფუძველი არ არსებობს. რაც შეეხება ოქმების გაყალბებას, არსებობს რეგისტრაციის ფურცელი, რომელზეც ყველა წევრს ხელი აქვს მოწერილი“, - აღნიშნა წოწერიამ. ცნობისთვის, გამგეობიდან 28 თანამშრომელი, ნოემბერში ჩატარებული ატესტაციის შედეგად, სამსახურიდან დაითხოვეს. მათ საქმეს ზუგდიდის რაიონული სასამართლო განიხილავს. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/