„ფრონტერას“ თანამშრომლების აქცია

აქცია დედოფლისწყაროში. ნავთობმომპოვებელი კომპანია „ფრონტერა ისტერნ ჯორჯიას“ ყოფილი თანამშრომლები კიდევ ერთხელ შეიკრიბნენ და განაცხადეს, რომ კომპანიას მუნიციპალიტეტის ტერიტორიიდან პროდუქციის გატანის უფლებას არ მისცემენ, რადგან მათ შეთანხმება დაარღვიეს და დავალიანების დაფარვაზე კვლავ უარს ამბობენ. ნავთობ-ბაზასთან შეკრებილები სახელფასო დავალიანებების გასტუმრებასა და უკანონოდ გათავისუფლებული თანამშრომლების სამსახურში აღდგენას ორ წელზე მეტია, უშედეგოდ ითხოვენ. კომპანიის მენეჯერი, გიორგი ჯანიაშვილი ამბობს, რომ „ფრონტერას“ ხელმძღვანელობა მზად არის, ყოფილ თანამშრომლებს შეხვდეს და არსებული საკითხი მოლაპარაკების მაგიდასთან განიხილოს. საპასუხოდ, აქციის მონაწილეები განმარტავენ, რომ ამ დრომდე კომპანიიდან მათთან კონტაქტზე არავინ გამოსულა, ამიტომ მათ მიაჩნიათ, რომ „ფრონტერას“ საქართველოს წარმომადგენლობა ამჯერადაც იტყუება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.